Piačnik i baćka šaściarych dziaciej adsiedzieŭ u kałonii za ŭdzieł u pratestach. Jon prosić dapamohi, kab adkryć svaju spravu

«U mianie šaściora dziaciej, dvoje ź jakich majuć invalidnaść. Ja zaŭsiody raźličvaŭ tolki na siabie, a hady turmy jašče bolš zahartavali mianie. Ale zaraz, evakuiravaŭšysia ŭ Litvu, ja vymušany źviarnucca pa dapamohu», — apisvaje na «Bajsoł» situacyju mužčyna.

Pavialičyć

Piečnikom jon pracuje 20 hadoŭ. Navat arhanizoŭvaŭ kanfierencyi pa abmienie dośviedam siarod majstroŭ, udzielničaŭ u stvareńni navučalnych prahram dla maładych śpiecyjalistaŭ. Z moładździu Alaksandr pravodziŭ akcyi pa prybirańniu śmiećcia na lasnych aziorach — u Biełarusi, Ukrainie, Rasii, Siaredniaj Azii i roznych rehijonach Kaŭkaza.

«U śniežni 2021 hoda ŭ našu kvateru ŭvarvalisia ludzi ŭ maskach, zrabili pahrom, napałochali dziaciej i pavieźli mianie ŭ HUBAZiK. Z hetaha momantu pačałasia čornaja pałasa dla mianie i majoj siamji, jakaja doŭžyłasia try s pałovaj hoda. Svoj termin ja adbyvaŭ ź ciažkaściami, bo mnie było składana chavać svajo staŭleńnie da ludziej, jakija zachapili ŭładu ŭ našaj krainie. Haładoŭki, ŠIZA, PKT supravadžali mianie ŭvieś hety pieryjad.

Za miesiac da vyzvaleńnia mnie paabiacali, što na mianie budzie zaviedziena novaja kryminalnaja sprava pa art. 130 i 361 KK za raspalvańnie varožaści i «danaty». U majoj kvatery znoŭ praviali pieratrus i zabrali ŭsie dakumienty i mnohija asabistyja rečy, paviedamiŭšy rodnym, što mianie čakaje novy termin. Ale pa niejkaj pryčynie mianie ŭsio ž vypuścili.

U dzień vyzvaleńnia ź mianie ŭziali padpisku ab niavyjeździe, pryznačyli previentyŭny nahlad na 2 hady i paabiacali, što ŭ bližejšy čas mnoj «zojmucca». Pierad vyzvaleńniem mianie źbili, parezali majo adzieńnie i ŭ takim vyhladzie vyvieli za varoty. Nie dačakaŭšysia vykanańnia pahroz, z dapamohaj kamandy evakuacyi BYSOL ja pakinuŭ Biełaruś adrazu paśla vyzvaleńnia», — dzielicca Alaksandr.

Jon płanuje ŭ Litvie nanova zaniacca piačnoj spravaj. Dla hetaha treba nabyć instrumient, prajści tearetyčnyja i praktyčnyja kursy pavyšeńnia kvalifikacyi i atrymać dazvoł na hety vid dziejnaści. Taksama dla pracy mužčyna płanuje kupić stareńki pracoŭny aŭtamabil i atrymać vadzicielskija pravy, bo padčas pieratrusu ŭ Minsku ŭ jaho kanfiskavali ŭsie dakumienty.

Suma zboru — €5000:

— €1500 — instrumient piečnika

— €700 — kursy kiravańnia katehoryi B

— €1000 — praktyčnyja kursy mantažu kaflanych ablicovak

— €700 — tearetyčny kurs z vydačaj dazvołu

— €1100 — pracoŭny ŭniviersał Folksvahien Pasat B3

Padtrymać zbor dla Alaksandra možna tut

• 11
• 0
• 0
• 1
• 0
• 1
• 0
• 1