Milicyja abviarhaje, što ŭ hibieli katoŭ u Minsku vinavaty skurałup
U Zavodskim rajonie Minska miascovyja siłaviki nazvali mahčymuju pryčynu masavaj hibieli ŭ hetaj miascovaści biazdomnych katoŭ. Pavodle ich danych, viersija pra naŭmysnuju žorstkaść z boku ludziej nie paćvierdziłasia — usie fakty śviedčać pra napady badziažnych sabak. Adnaho z hetych sabak užo adłavili i raźmiaścili ŭ prytułku, paviedamlaje ahienctva «Minsk-Naviny».
Siłaviki praviali siem pravierak, pa troch ź jakich vynieśli pastanovy ab admovie ab zaviadzieńni kryminalnaj spravy. U adnym vypadku ahlad i razbor byŭ zrobleny pry ŭdziele ekśpierta Minskaj haradskoj vieterynarnaj stancyi, i pa vynikach było ŭstanoŭlena, što śmierć kata adbyłasia ŭ vyniku napadu sabaki.
U dvuch inšych vypadkach ekśpiertyza niemahčymaja z-za mocnaha paškodžańnia ciełaŭ. Pa astatnich čatyroch vypadkach pravierki praciahvajucca.
Z kamier videanazirańnia atrymany zapis, na jakim vidać, jak sabaka kusaje kata — heta surjozny dokaz, jaki paćviardžaje pryrodnuju pryčynu trahiedyi.
11 vieraśnia pradstaŭniki arhanizacyi «Faŭna horada» praviali pracu pa terytoryi, dzie byli znojdzienyja zahinułyja žyvioły. U vyniku adłavili adnaho badziažnaha sabaku, jaki ciapier znachodzicca ŭ prytułku.
Novych paviedamleńniaŭ pra hibiel žyvioł z 11 vieraśnia nie pastupała.
Takim čynam, viersija pra źjaŭleńnie ŭ rajonie skurałupa nie paćvierdziłasia. Siłaviki zaklikajuć žycharoŭ zastavacca spakojnymi i zapeŭnivajuć, što situacyja znachodzicca pad kantrolem.
Ciapier čytajuć
Pamiatajecie ŭkrainku, jakuju rasijanie pryviazali da słupa? Tyja, chto jaje katavaŭ, za hady vajny amal usie zahinuli. A voś što robić ciapier jana2424
Kamientary