Hramadstva22

Pavieł Mažejka: Našaja misija — zrabić Biełaruś narmalnaju krainaju

Žurnalist, hramadski aktyvist, były palityčny viazień Pavieł Mažejka, jaki vyjšaŭ na volu 11 vieraśnia razam ź inšymi palityčnymi viaźniami z dapamohaju ZŠA, apavioŭ u prahramie «Ranica z «Biełsatam» pra pieršyja pryjemnyja ŭražańni na voli, a taksama padzialiŭsia dumkami pra stanovišča palitźniavolenaha palityka Mikoły Statkieviča, jakoha taksama mieli vyvieźci ŭ Litvu, ale toj admoviŭsia.

Były palitviazień Pavieł Mažejka na voli. Fota: hrodna.life

Pavieł Mažejka dasiul nie moža pryzvyčaicca da jaskravych koleraŭ:

«Turma — heta bolš pra čorna-biełaje. Tamu z zachapleńniem naziraju za kalarovaju mituśnioju».

Na pytańnie, što smačnaha žurnalist paśpieŭ pajeści na voli, adkazvaje: hałoŭnaje, z kim jeści, a nie što.

«Kali ty maješ mahčymaść abniać rodnych, siamju, heta najvažniejšaja, poŭnaje roznych vitaminaŭ i aminakisłotaŭ smakata. Heta ja ŭžo zaśviedčyŭ, pieražyŭ. Sprabuju kožny dzień padsiłkoŭvać siabie dobrymi ŭražańniami i hladzieć napierad, absalutna razumiejučy, što našaja misija — a ja miarkuju, što čałaviek tady čałaviek, kali maje niejkuju misiju — zrabić Biełaruś narmalnaju krainaju, dzie nichto nie musić siadzieć za svaje pohlady, nie musić uciakać z krainy i być hvałtoŭna vyviezieny, i pavinien mieć prava vybaru», — kaža Pavieł Mažejka.

Jon taksama padzialiŭsia dumkami pra stan Mikoły Statkieviča, jaki byŭ vyzvaleny razam ź im, ale admoviŭsia jechać u Litvu i viarnuŭsia ŭ Biełaruś. Vierahodna, Statkievič iznoŭ za kratami.

«Tam čałaviek absalutna biaspraŭny, a kali ty palitźniavoleny, to ŭ niekalki razoŭ bolš. Nie chaču dadavać trahizmu, ale razumieju, što administracyja hetaj ustanovy moža rabić ź Mikołam usio, što zaŭhodna. Spadziajemsia, jon pad dahladam, zabiaśpiečany miedyčnaju dapamohaj, ale treba razumieć, što moža być usio», — dadaŭ były palitviazień.

Jon raspavioŭ, što pakarańni ŭ miescach źniavoleńnia mohuć być z absalutna nadumanych pryčynaŭ. Naprykład, Mažejka niejak trapiŭ u ŠIZA, kali supracoŭnik kałonii zajaviŭ, što Pavieł nie pavitaŭsia, choć heta było niapraŭdaju.

Paŭła Mažejku zatrymali ŭ Biełarusi 30 žniŭnia 2022‑ha i pakarali 6 hadami źniavoleńnia pavodle artykułu 361‑4 KK («spryjańnie ekstremisckaj dziejnaści»). Byŭ vyzvaleny paśla vizitu delehacyi ZŠA ŭ Minsk 11 vieraśnia razam ź jašče 51 palitviaźniem. Adnak Mikoła Statkievič admoviŭsia ad departacyi i viarnuŭsia ŭ Biełaruś.

Kamientary2

  • Haradzieniec
    21.09.2025
    Pavał - heta moc!
  • Bzi
    21.09.2025
    Voś bačycie, ščyry biełarus!
    Nie raskidyvajecca svaimi "toje-heta, ALE słuchajcie mianie: bła-bła".
    Skazaŭ jak darosły čałaviek, a nie niejkija Sašy Filipienki, jakija lezuć sa svaimi naratyvami i viedajuć lepš za inšych biełarusaŭ.

Ciapier čytajuć

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj37

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj

Usie naviny →
Usie naviny

Rasśledavalniki znajšli dubajskaha kašalka Łukašenki, jaki pabudavaŭ biznes-impieryju ŭ Litvie i zastaŭsia pa-za sankcyjami8

Barsiełonskaja Sahrada Familja ŭ nastupnym hodzie stanie najvyšejšym chryścijanskim chramam Jeŭropy2

U Biełaruś dastavili bujnuju partyju bojeprypasaŭ5

Žonka Čarli Kirka publična prabačyła zabojcu jaje muža. Tramp ź joj nie pahadziŭsia5

Kanał MZS Biełarusi abvinavaciŭ Polšču ŭ šantažy Kitaja pa ŭkazcy Vašynhtona22

Na «Dažynkach» u Vaŭkavysku Uładzimir Karanik pulaŭ kapustaj u baskietbolnaje kolca VIDEA12

Na vyzvalenych i departavanych palitviaźniaŭ sabrali 111 tysiač jeŭra — jak ich raźmiarkujuć?21

U Biełarusi chočuć uvieści padatak na bahaćcie13

Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony15

bolš čytanych navin
bolš łajkanych navin

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj37

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić