Z hetaha času ŭ ZŠA treba apłacić $100 tysiač, kali zajaŭnik padajecca na pracoŭnuju vizu H-1B, pa jakoj z-za miažy pryjazdžajuć kvalifikavanyja rabotniki ŭ peŭnych halinach. Adpaviedny ŭkaz apublikavany na sajcie Biełaha doma, piša «Jeŭrapiejskaja praŭda».
Va ŭkazie adznačajecca, što prahrama nieimihracyjnych viz H-1B, jakija vydajucca na try hady, była stvorana dla pryciahnieńnia ŭ ZŠA časovych rabotnikaŭ, kab tyja vykonvali dadatkovyja, vysokakvalifikavanyja funkcyi. Ale prahrama «naŭmysna vykarystoŭvałasia dla zamieny, a nie dapaŭnieńnia, amierykanskich rabočych na mienš kvalifikavanuju pracoŭnuju siłu ź mienšaj apłataj». Heta nibyta padryvaje ekanamičnuju i nacyjanalnuju biaśpieku ZŠA.
Administracyja Trampa miarkuje, što novy zakon budzie stymulavać kampanii najmać nie inšaziemnych, a amierykanskich rabotnikaŭ.
U lutym Tramp vystupiŭ ź idejaj zamianić vizavuju prahramu dla zamiežnych inviestaraŭ na tak zvanuju «załatuju kartu», jakuju možna budzie nabyć za $5 miljonaŭ jak šlach da amierykanskaha hramadzianstva. A ŭ krasaviku jon navat apublikavaŭ «załatuju kartu» sa svajoj vyjavaj.
Tramp choča spynić vajnu va Ukrainie z dapamohaj Kitaja
«Jon mianie padvioŭ». U apošni dzień vizitu ŭ Brytaniju Tramp abmierkavaŭ sa Starmieram cisk na Pucina
Tramp blizki da taho, kab abviaścić pra spynieńnie jašče adnoj vajny
Tramp zajaviŭ pra namier viarnuć pad kantrol ZŠA vajskovuju bazu ŭ Afhanistanie
Zaklinalnik Trampa: jak brytanski premjer znajšoŭ padychod u znosinach z prezidentam ZŠA
Ciapier čytajuć
«U kapciuroch HPU». Stahodździe niebiaśpiečnaj naiŭnaści i daremnych maraŭ biełaruskaj emihracyi7
Kamientary