Tramp płanuje ŭvieści «załatyja karty» za $5 miljonaŭ dla atrymańnia dazvołu na žycharstva
Čakajecca, što «załatyja karty» zamieniać vizy inviestaraŭ.
Prezident ZŠA Donald Tramp zajaviŭ, što płanuje ŭvieści tak zvanyja «załatyja karty», jakija daduć mahčymaść pretendavać na atrymańnie hramadzianstva. «Załataja karta», košt jakoj składzie 5 miljonaŭ dalaraŭ, zamienić vizu dla inviestaraŭ, jakaja dziejničała na praciahu 35 hadoŭ, paviedamlaje «Hołas Amieryki».
«Jany buduć bahatyja i paśpiachovyja, jany buduć tracić šmat hrošaj, płacić šmat padatkaŭ i najmać šmat ludziej, i my dumajem, što heta budzie nadzvyčaj paśpiachova», — paviedamiŭ Tramp.
Ministr handlu Hovard Lutnik vykazaŭ zdahadku, što «Załataja karta Trampa» moža zamianić vizy EB-5 na praciahu dvuch tydniaŭ. EB-5 byli stvorany Kanhresam u 1990 hodzie dla pryciahnieńnia zamiežnych inviestycyj i byli dastupnyja ludziam, jakija ŭkładali kala 1 miljona dołaraŭ u kampaniju ź nie mienš čym 10 supracoŭnikami.
Inviestycyjnyja vizy šyroka raspaŭsiudžanyja va ŭsim śviecie. Kansałtynhavaja firma Henley & Partners śćviardžaje, što bolš za 100 krain śvietu prapanujuć «załatyja vizy» zamožnym ludziam, uklučajučy ZŠA, Vialikabrytaniju, Ispaniju, Hrecyju, Maltu, Aŭstraliju, Kanadu i Italiju.
Tramp nie zhadaŭ patrabavańni da stvareńnia pracoŭnych miescaŭ. Prezident ZŠA zajaviŭ, što «załatyja karty» nie buduć patrabavać adabreńnia Kanhresa.
-
Ultrapravyja ŭpieršyniu paśla padzieńnia Treciaha rejchu atrymali vialikuju pieramohu ŭ Hiermanii. Što heta značyć dla Jeŭropy
-
22 biełarusy, jakija pracavali ŭ IT-kampanii ŭ Vilni, pryznanyja pahrozaj nacyjanalnaj biaśpiecy Litvy
-
U Daniecku ŭzarvali zabojcu hienierała ŭkrainskaj raźviedki. Pra apieracyju maŭčali bolš za miesiac
Kamientary
V ciełom "zołotyje karty" dieło poleznoje. Nužno tolko ślediť, čtoby etoj kartoj nie vospolzovaliś kakije-nibud́ kovalčuki i rottienbierhi.