Źniešniuju i ŭnutranuju palityku Ukrainy ŭ efiry telekanała «24» praanalizavaŭ eks-prezident Hruzii Michieił Saakašvili.
Saakašvili ličyć, što Ukraina maje lohka dać rady z uviadzieńniem reformaŭ.
«Reformy va Ukrainie mohuć prajści lahčej, čym u Hruzii, tamu što tut jość vydatnyja maładyja kadry, tut jość vielizarnyja čałaviečyja, ekanamičnyja, sumiesna-palityčnyja i enierhietyčnyja resursy, a ich vykarystoŭvajuć tolki na 5%. U Hruzii takich resursaŭ nie było. I tut ludzi hatovyja da reformaŭ», — upeŭnieny eks-prezident.
Jon kaža, što pamiž Hruzijaj i Ukrainaj jość šmathadovaja družba, tamu što hetyja krainy padobnyja: «Zaraz va Ukrainie vajujuć hruzinskija aficery, niekalki ź ich zahinuli, paranienyja. Niadaŭna adzin svaim ciełam nakryŭ raściažku i vyratavaŭ svaich ukrainskich bratoŭ. A ŭ Łuhansku taksama słužyć ŭkrainski vajskoviec, jaki kaliści vajavaŭ u Abchazii i tam straciŭ syna. Heta nieadjemnaja suviaź pamiž Ukrainaj i Hruzijaj».
Jon raspavioŭ svajo bačańnie prablem va ŭkrainskaj armii i šlachi ich vyrašeńnia: «Hałoŭnyja prabieły Ukrainy — heta sastarełaje procitankavaje ŭzbrajeńnie.
Ale bolš novaje jość u ZŠA, i kali jany jaho daduć, i Ukraina padarvie pieršyja 50 rasijskich tankaŭ, usio budzie zusim inakš.
Amierykancy hatovyja davać heta, hatovyja davać bieśpiłotniki i artyleryju. Našy aficery, jakich rychtavali amierykancy, ciapier rychtujuć vašych vajskoŭcaŭ.
Jany raspaviadajuć, što duch ŭkrainskich sałdat lepšy ŭ śviecie. Kali im dać nieabchodnyja viedy, navyki i zbroju, jany zmohuć i ŭsiu Rasiju zachapić».
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary