Inžyniery navučylisia telepartavać abjekty z dapamohaj 3D pryntara VIDEA
U niamieckim Instytucie Chasa Płatniera pradstaŭleny dośledny ŭzor prybora, zdolnaha telepartavać pradmiety na adlehłaść z dapamohaj 3D-druku. Pryładu nazvali «Skoci» u honar apieratara telepartacyjnaj sistemy ź sieryjała «Zorny šlach».
Pryncyp pracy sistemy vielmi prosty: pieršy 3D-prynter Makerbot Replicator abličboŭvaje abjekt z dapamohaj fotakamiery, źniščaje jaho, pasyłaje zašyfravanuju instrukcyju druhomu pryntaru, jaki razdrukoŭvaje pradmiet u inšym miescy. Pryčym dziejničaje «Skoci» papłastova: frezierny stanok ŭnutry drukarki zrazaje kožny płast pradmieta tolki paśla adpraŭki fatahrafii na druhi pryntar.
Ad karystalnika patrabujecca tolki źmiaścić abjekt u sistemu, vybrać atrymalnika i nacisnuć knopku «pieramiaścić».
Inžyniery padkreślivajuć, što meta ich prajekta —zachavańnie unikalnaść rečaŭ. Źniščeńnie abjektaŭ, jakimi siabry abmieńvajucca pamiž saboju, pavialičvaje ich emacyjnuju kaštoŭnaść: zamiest kopii atrymlivajuć aryhinał.
Adnak hałoŭnaj technałahičnaj zadačaj sistemy źjaŭlajecca baraćba ź piractvam. Raźvićcio 3D-druku pryvodzić da taho, što schiemy vyrabu abjektaŭ mohuć nielehalna raspaŭsiudžvacca, a rečy - tyražavacca. Źniščeńnie aryhinała harantuje, što reč pradaŭca (klijenta internet-kramy eBay, naprykład) źnikaje adnačasova z trapleńniem da pakupnika.
Mahčymaści doślednaha ŭzoru pakul abmiežavanyja. «Skoci» pracuje tolki z płastmasaj, pryčym vyfarbavanaj u čorny koler (dla pavieličeńnia kantrasnaści). Adnak prahres u śfiery 3D-druku pavinien pašyryć asartymient pradmietaŭ, prydatnych dla takoha rodu telepartacyi.
Kamientary