Ministr zamiežnych spraŭ Rasii Siarhiej Łaŭroŭ ličyć, što Zachad uvioŭ «niezakonnyja» sankcyi suprać Rasii, kab «sarvać svaju złość».
Pra heta jon skazaŭ na sumiesnaj pres-kanfierencyj u Maskvie z kiraŭnikom MZS Vieniesueły Rafaelem Ramiresam.
«Što tyčycca sankcyj, ja nie vielmi baču łahičnuju suviaź. My dapamahajem pracesu vykanańnia Minskich damoŭlenaściej nie dla taho, kab z nas źniali sankcyi. Heta prablema tych, chto ich uvodziŭ. My robim toje, što my robim, dla taho, kab maksimalna chutka dapamahčy narmalizavać situacyju va Ukrainie», — zajaviŭ Łaŭroŭ.
«Heta ŭ našych nacyjanalnych intaresach, kab tam ustalavaŭsia mir, kab tam pačaŭsia abiacany jašče ŭ pačatku hoda palityčny praces z udziełam usich rehijonaŭ i ŭsich palityčnych sił, praces, jaki pavinien spryjać adnaŭleńniu nacyjanalnaj zhody praz nacyjanalnaje prymireńnie… Sankcyi — heta sprava našych zachodnich kaleh, sprava tych krain, jakija vyrašyli źviarnucca da hetaha niezakonnaha instrumienta dla taho, kab sarvać svaju złość na nas. Heta ich prablemy, my nie vybirali hety šlach», — skazaŭ Łaŭroŭ.
Ciapier čytajuć
Pastupova vyjšli na volu aryštavanyja pa «Spravie kniharoŭ». Akramia adnaho5
Pastupova vyjšli na volu aryštavanyja pa «Spravie kniharoŭ». Akramia adnaho
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary