«Viartańnie ŭ 1970-ja»: novyja tendencyi ŭ žanočych kalekcyjach siezonu «viasna-leta 2015»
Startavaŭ žanočy Tydzień mody pret-a-porter u Miłanie — pakazvajuć kalekcyi «viasna-leta 2015».
«Viartańnie ŭ 1970-ja» — tak možna acharaktaryzavać stratehičny viektar žanočych kalekcyj «viasna-leta 2015». Formuła patrabuje ŭdakładnieńnia: havorka idzie pra «śvietłyja», «ramantyčnyja» 1970-ch, pra pieršuju pałovu dziesiacihodździa. Rannija 1970-ja ŭsio jašče nieśli svabodu rok-n-rołu, seksualnaj revalucyi, studenckich vystupaŭ, subkultury chipi i źviazanych ź joj idej praśviatleńnia, miedytacyj, inšych viersij «volnaha ładu žyćcia». Pieršaja piacihodka 1970-ch — čas apošniaha ramantyzmu XX stahodździa, na źmienu jakomu pryjdzie styl dyska, subkultura panka, ideałohija pabudovy finansavych karjer i impieryj 1980-ch hadoŭ, adkryćcio ŚNIDu. Aryjentacyja na 1970-ja dazvalaje dyzajnieram na zakonnych stylistyčnych padstavach prapanoŭvać žanockuju, emacyjnuju, liryčnuju vopratku.
Vieranika Etro z Etro prapanuje «amierykanski» varyjant 1970-ch: madeli vychodzili na podyum pad muzyku The Doors. Ramantyčny «amierykanizm» Etro vyjaŭleny jak u kroi adzieńnia, tak i ŭ arnamientach i azdableńni. U fokusie — ekzatyčnaja indziejskaja kultura ŭ duchu Karłasa Kastaniedy. Karotkija, «jehipieckija» sarafany, padšyvanyja i viazanyja kaftany, indziejskija miakkija zamšavyja boty da kalena, biazvažkija sandali z machrami, ponča, sumki-torby i amulety — nahrudnyja kašalki, pajasy z vyšyŭkaj i machrami, kalje i padvieski z kalarovaha bisieru, sa skuraj i mietałam. I trochi kłasičnaha denimu — jak dadatak da tkanin ź indziejskimi i actekskimi arnamientami.
U Gucci rannija 1970-ja vyhladajuć hłamurna. Tut cenicca asałoda ad fakturnaści darahich, raskošnych materyjałaŭ — ciopłaha zamšu, kalarovaha futra ŭ azdableńni, kalarovaha šoŭku, skur reptylij i jarka-błakitnaha denimu. 1970-m, na dumku dyzajniera marki Frydy Džanini, ułaścivyja nie tolki šmatfakturnaść (machrama, pierfaracyja, karunki, aplikacyi, pacierki) i arnamientalizm, ale jašče i svaboda prastory, tamu ŭ kalekcyi «viasna-leta» źjaŭlajucca kaściumy, jakija adsyłajuć da kaŭbojskaj vopratki abo da marskoj uniformy. U Gucci amal całkam nazvanyja i hałoŭnyja rečy budučaha siezona: šyrokija skaročanyja štany, vysokija, z pramym chalavami boty z zamšu, ledź rasklošanyja džynsy, maleńkija kalarovyja šaŭkovyja sukienki z pramymi plačyma i rasklošanaj spadnicaj.
U MaxMara, dzie taksama panuje ramantyčnaja piacihodka 1970-ch, pieraviali šmatkolernaść epochi ŭ strohi hrafičny rehistr. Siamidziasiatyja ŭ MaxMara padadzienyja jak fatahrafii, jak zachavanyja na plonku ŭspaminy. Kroj minimalistyčny, a palitra — albo čorna-biełaja, z dadańniem bežavaha, bałotnaha i karyčnievaha adcieńniaŭ, albo ž kalarovaja, ale z vykarystańniem maksimum troch niuansaŭ. Hulnia ŭ 1970-ja ŭ MaxMara niezvyčajna tonkaja i pa-majstersku zładžanaja: ad mody tych hadoŭ zastalisia tolki vidavočnyja, zrešty, linii, a zusim navat nie abjomy, a jašče — trochi strymanaje arnamientalnaj fłarystyki. Ale ŭ hetym jość sapraŭdny śviežy šyk: kalekcyja «viasna-leta» MaxMara — heta nie stylistyčny teatr, a sučasnaja hulnia ŭ prošły čas.
U Sportmax, naadvarot, źviartajuć uvahu nie na stylistyčnyja spasyłki, a na bujnyja, ale lohkija abjomy i fakturu tkaniny. Kalekcyja «viasna-leta 2015» uklučaje ŭ siabie abjomnyja pradmiety — heta doŭhija palito z šyrokimi pajasami, kamplekty z šyrokimi štanami, padkreślena abjomny trykataž. Pry hetym abjom dadatkova pavialičvajecca albo za košt azdableńnia — machrami, rohožkami, albo z dapamohaj asimietryčnaha, źlohku antyčnaha kroju. Kalekcyja Sportmax budučaha siezonu maje na ŭvazie elehantnuju zručnaść z prystojnaj dolaj spakojnaha ramantyzmu.
U Alberta Ferretti razhornuty firmovy ramantyzm. Albierta Fiereci, karaleva šyfonu, paźbiahaje ramantyčnaha trahizmu: u kalekcyi «viasna-leta 2015» jość fłarystyčnaja antyčnaść, karunkavy reniesans i trochi paradaksalna śvietłaj hotyki, momantam abjadnańnia słužyć miakki siłuet, pastelnyja kalarovyja noty, a voś ramantyzmu 1970-ch «delehavany» kvietkavyja aplikacyi i karunki, zamša, sandali i sumki z machrami.
U Ermanno Scervino pakaz pačali z tradycyjnych madelaŭ u duchu 1960-ch: adnatonnyja karotkija palito na troch huzikach z šyrokimi rukavami, mini-šorty, ale paśla defile pieratvaryłasia ŭ parad dasiahnieńniaŭ dekaratyŭna-prykładnych ramiostvaŭ. U Ermanno Scervino ŭsia moda padparadkoŭvajecca strohamu ramiastvu — i abranaja stylistyčnaja epocha, i kroj, i azdableńnie, i navat koler, śvietły abo pastelny. Takim čynam, pierfaracyja, karunki, aplikacyi, vyšyŭka, załataja i srebranaja nitka — słovam, usio, što moža lišni raz padkreślić rachmanuju i parodzistuju žanockaść.
Alesandra Fakineci, kreatyŭny dyrektar Tod's, asensoŭvaje kalekcyju «viasna—leta» jak elehantny śviecki spartyŭny vychad: i navat štanovyja kaściumy, pradmiet chutčej ofisny, vyhladajuć u dadzienym vypadku biezdakornym pa fakcie casual. Źviartaje na siabie ŭvahu azdableńnie na karotkich pryhožych zručnych rasklošanyja sukienkach i skaročanych kurtkach. U Tod's sport nosić elitarny charaktar, jak i lehiendarnaja abutak marki — drajvierskija makasiny na 133 humovych šypach.
Kamientary