Mierkavańni1010

U «Drazdach-2» papaŭnieńnie: padsialajuć staršyniu Śledčaha kamiteta i dyrektarku Biełaruskaj kalijnaj kampanii

Apošnim žycharom Viaśninki staŭ Valancin Šajeŭ, u susiednim rajonie budzie žyć Alena Kudraviec.

Za apošnija niekalki hadoŭ biełaruskija čynoŭniki atrymali bolš za 40 ziamielnych nadziełaŭ u staličnym rajonie Viaśninka. Ministry, siłaviki, adstaŭniki… Padrabiaźniej pra novych žycharoŭ «Drazdoŭ-2» «Naša Niva» raspaviadała ŭ №21 ad 4 červienia.

Paśla toj masavaj razdačy svabodnym zastavaŭsia tolki adzin nadzieł. Heta apošni ŭčastak na vulicy Siomkaŭskaj, pa susiedstvie ź ministram unutranych spraŭ Iharam Šunievičam.

Jak stała viadoma «NN», u pačatku krasavika 2014 hoda nadzieł płoščaj 0,12 ha ŭsio ž znajšoŭ haspadara. Pavodle rašeńnia Minharvykankama, im staŭ staršynia Śledčaha kamiteta Valancin Šajeŭ.

Čym admietny hety siłavik?

Heta adzin ź niamnohich čynoŭnikaŭ, u aficyjnych bijahrafijach jakich adsutničaje infarmacyja pra dakładnaje miesca naradžeńnia. «Naradziŭsia ŭ 1964 u Viciebskaj vobłaści» — dziŭnaja tajamničaść. Takija ž farmuloŭki jość tolki ŭ bijahrafijach staršyni KDB Valeryja Vakulčyka i byłoha raźviedčyka, a ciapier ministra zamiežnych spraŭ Uładzimira Makieja.

U 27 hadoŭ Šajeŭ skončyŭ BDU i pačaŭ pracu śledčym u prakuratury. Praź siem hadoŭ jon staŭ prakuroram Rasonskaha rajona, a jašče praź piać — Viciebskaha rajona.

U 2006 Šajeva pavysili ŭ pasadzie i zabrali ŭ Minsku ŭ Hienieralnuju prakuraturu. U stalicy jon staŭ načalnikam upraŭleńnia pa nahladzie za rasśledavańniem kryminalnych spraŭ. Paśla była jašče praca prakuroram Homielščyny (z 2009 da 2012) i, narešcie, viartańnie ŭ stalicu na pasadu namieśnika staršyni Śledčaha kamiteta.

A kali jahonaha načalnika Valeryja Vakulčyka zabrali kiravać KDB, Śledčy kamitet uznačaliŭ Šajeŭ.

Čynoŭnik pačaŭ abžyvacca ŭ Minsku jašče padčas pieršaha pierajezdu ŭ stalicu. Ustupiŭ u žyllovy kaapieratyŭ, pabudavaŭ kvateru. Voś tolki pažyć u joj faktyčna nie paśpieŭ, bo byŭ nakiravany ŭ Homiel.

Ciapier ža Šajevu pierapała 12 sotak elitnaj ziamli ŭ Minsku. Jon atrymaŭ jaje ŭ pažyćciovaje vałodańnie z pravam pieradačy ŭ spadčynu. Aficyjnaja kadastravaja cana jahonaha nadzieła pieravyšaje $230 tysiač. Realnaja rynkavaja — dachodzić da $600—700 tysiač. Heta zarobak čynoŭnika ŭzroŭniu Šajeva za niekalki dziesiacihodździaŭ.

Niadaŭna Valancin Šajeŭ prapanavaŭ uvieści dadatkovuju adkaznaść dla zanadta bahatych čynoŭnikaŭ. «Takaja adkaznaść mahła b być u vyhladzie spahnańnia ŭ dachod dziaržavy majomasci, pamier jakoj značna pieravyšaje dachody čynoŭnika i pachodžańnie jakoj heta słužbovaja asoba nie moža paćvierdzić». Załatyja słovy.

Šajeŭ atrymaŭ ziamlu sioletnim rašeńniem Minharvykankama №778, a papiarednim rašeńniem nadzieł pad budaŭnictva pieradali jašče adnoj pradstaŭnicy ŭłady, hienieralnaj dyrektarcy «Biełaruskaj kalijnaj kampanii» Alenie Kudraviec.

Cikava, što i rehistravali svaju nieruchomaść jany amal adnačasova, z roźnicaj litaralna ŭ 15 chvilin.

Kudraviec nie chapiła miesca ŭ «Drazdach-2», tamu jaje pasialili krychu dalej, u mikrarajonie Ržaviec («Lebiadziny»). Heta miesca pamiž «Minsk-Arenaj» i rynkam «Ždanovičy», za kiłamietr ad Viaśninki. Tut katedžy čarhujucca z navabudami-šmatpaviarchovikami, tamu i ziamla kaštuje tańniej. Nadzieł Aleny Kudraviec płoščaj 10 sotak aficyjna kaštuje $160 tysiač.

Biznes-vumien zrabiła karjeru na «Biełaruśkalii», dzie pracavała 20 hadoŭ paśla zakančeńnia jurydyčnaha fakulteta BDU ŭ 1992-m. Kazali, što Kudraviec nikoli nie była prychilnicaj sumiesnaj pracy z Rasijaj, tamu paśla kalijnaha kanfliktu kiravać Biełaruskaj kalijnaj kampanijaj pryznačyli mienavita jaje.

Kamientary10

Ciapier čytajuć

Na vulicy Matusieviča ŭ Minsku pobač ź dziciačym sadkom upaŭ bieśpiłotnik

Hramadstvaabnoŭlena

Na vulicy Matusieviča ŭ Minsku pobač ź dziciačym sadkom upaŭ bieśpiłotnik

Usie naviny →
Usie naviny

FK «Słavija» raskazaŭ pra stan zaŭziatara, jaki ŭčora zvaliŭsia z trybuny

Łaŭroŭ kanstatavaŭ poŭnuju adsutnaść sajuźnikaŭ u Rasii13

Hrybnik pakazaŭ piać vidaŭ baravikoŭ ź biełaruskich lasoŭ

Piaskoŭ: Tramp i Pucin mohuć sustrecca ŭ Kitai, kali «apynucca ŭ adnym horadzie»

U Hrodnie chłopiec u kaściumie anioła hraŭ na saksafonie i śpiavaŭ sierenadu

U Astrachani abrynuŭsia padjezd piacipaviarchovaha doma2

«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes21

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos41

Dziaŭčyna na Prypiaci vyłaviła hihanckaha soma — 2,25 mietra6

bolš čytanych navin
bolš łajkanych navin

Na vulicy Matusieviča ŭ Minsku pobač ź dziciačym sadkom upaŭ bieśpiłotnik

Hramadstvaabnoŭlena

Na vulicy Matusieviča ŭ Minsku pobač ź dziciačym sadkom upaŭ bieśpiłotnik

Hałoŭnaje
Usie naviny →

Zaŭvaha:

 

 

 

 

Zakryć Paviedamić