Saviet Fiederacyi RF uchvaliŭ zakon ab błohierach. Ich pryraŭnoŭvajuć da ŚMI
Saviet Fiederacyi RF siońnia ŭchvaliŭ zakonaprajekt, jakim uparadkoŭvajecca abmien infarmacyjaj u Internecie, i, u pryvatnaści, jaki pryraŭnoŭvaje błohieraŭ da ŚMI.
Zakonaprajekt pradpisvaje, što błohiery, u kaho na piersanalnym sajcie abo staroncy ŭ sacsietkach zafiksavanyja minimum 3000 naviedvańniaŭ u sutki, buduć zanosicca ŭ peŭny rejestr.
Heta abaviaža ŭładalnika błoha praviarać dakładnaść źmiaščajemaj infarmacyi, vykonvać praviły pieradvybarčaj ahitacyi, nie raspaŭsiudžvać źviestak ab pryvatnym žyćci hramadzian, ekstremisckija materyjały, aznačać uzrostavyja abmiežavańni dla karystalnikaŭ.
Praŭda, pry hetym jany zmohuć prymać na płatnaj asnovie rekłamu. U budučyni, nie vyklučana, rejestr błohieraŭ razabjuć na katehoryi ŭ zaležnaści ad kolkaści naviedvalnikaŭ: błohier, supier-błohier, star-błohier.
Za parušeńnie błohierami ŭstanoŭlenych patrabavańniaŭ praduhledžany štraf. Naprykład, dla fizičnych asob — ad 10 da 30 tysiač rubloŭ, za paŭtornaje parušeńnie na praciahu hoda — ad 30 da 50 tys. rubloŭ.
Zakonaprajekt abaviazvaje fizičnych i jurydyčnych asob paviedamlać u Raskamnahlad ab pačatku pieradačy infarmacyi ŭ Internecie, a taksama paŭhoda zachoŭvać dadzienyja ab pieradačy infarmacyi ŭ Siecivie.
Hetyja praviły nie tyčacca tych ludziej, chto vykarystoŭvaje sajty ŭ asabistych chatnich i siamiejnych metach.
Zakonaprajekt byŭ padrychtavany hrupaj deputataŭ na čale sa staršynioj dumskaha kamiteta pa biaśpiecy i supraćdziejańni karupcyi Irynaj Jaravaj («Adzinaja Rasija»).
Kamientary