Piša Mikoła Buhaj.
Pieryjadyčna ŭ krainie zdymajuć čynoŭnikaŭ. Hučna zdymajuć! «Zusim abnahleli!» — nie raz kazaŭ kiraŭnik dziaržavy. Ale ŭźnikaje pytańnie. A chto ich pryznačaŭ?
Kali adnaho za adnym, adnaho za adnym aryštoŭvajuć staršyń vykankamaŭ i ich namieśnikaŭ, kiraŭnikoŭ kancernaŭ, sudździaŭ, namieśnika ministra ŭnutranych spraŭ (!!), namieśnika hienieralnaha prakurora (!!!), na kaho tady kivać?
Jakaja ž heta elita, kali jaje sadziać, cadziać i ŭsio nie mohuć pierasadzić. Bandziuki! «Kab žyć viesieła, u ščaści, treba kraści, kraści, kraści».
Moža być, nie na toj kadravy rezierv abapirajecca toj, chto pryznačaje? Moža być, u inšym miescy treba šukać kadry?
Prafiesar Bahdankievič spyniŭ hipierinflacyju ŭ 1990-ja. Jon zdoleŭ by viarnuć davier da rubla znoŭ. Bo soramna za dziaržavu — za 5 hadoŭ rubiel źniaceniŭsia ŭ 5 razoŭ.
Pavieł Danejka stvaryŭ try paśpiachovyja biznes-škoły. Moža, jon i staŭ by paśpiachovym premjeram, aŭtaram ekanamičnaha ryŭka?
Narodnaja artystka Bandarenka zrabiła b telebačańnie pavažanym.
Žanna Litvina — pry joj dziaržaŭnyja ŚMI z karmušak pieratvarylisia b u srodki infarmacyi.
Lavon Barščeŭski — taki čałaviek u Administracyi prezidenta pastaviŭ by zasłonu tupaściam u sistemie adukacyi, ad jakich užo młosna robicca i baćkam, i piedahoham.
Bialacki — jamu miesca nie ŭ turmie, a na pasadzie ambudsmiena! Idealny byŭ by «narodny abaronca».
A Daškievič? Daj jamu dziasiatuju, nie, dvaccatuju častku tych srodkaŭ, jakija «asvojvaje» BRSM, — i kolkaść narkamanaŭ u maładziožnym asiarodździ źmienšycca ŭdvaja.
Nie tych sadžajuć. I nie tudy sadžajuć.
-
Palčys zaklikaŭ nie pierapisvać historyju 2020 hoda: Nie šukajcie łžyvych viersij minułaha
-
Bialacki: Dałučeńnie da Jeŭrasajuza — heta nie pytańnie «chaču — nie chaču», heta pytańnie vyžyvańnia biełarusaŭ jak naroda
-
Turarbiekava: Hałoŭnaje pytańnie ciapier u tym, na jakuju častku suvierenitetu pahodzicca Łukašenka
Ciapier čytajuć
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA66
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA6
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary