U abodvuch vypadkach kiroŭcy byli raniej pazbaŭlenyja prava kiravańnia aŭto.
Minułaj nočču pjany mužčyna vyrašyŭ praskočyć pierakryžavańnie na čyrvony sihnał śviatłafora, paviedamlaje sajt DAI Hrodna i Hrodzienskaj vobłaści.
U hety momant na zialony sihnał jechali dva aŭtamabili. Adzin ź ich, «Ford», vyrvaŭsia napierad i atrymaŭ u bok mocny ŭdar. Aŭto raskruciła i jano ŭdaryłasia ŭ aśviatlalnuju mačtu.
U lehkaviku spracavali piać padušak biaśpieki, kiroŭca nie paciarpieŭ. Nie atrymaŭ paškodžańniaŭ i vinoŭnik avaryi.
«Jak apynuŭsia na skryžavańni vulicy Biełuša i praśpiekta Klackova, i jak adbyłosia DTZ, ja nie pamiataju, bo zasynaŭ za rulom», — napisaŭ u tłumačeńni parušalnik.
Zatoje nie zabyŭsia, što pry sustrečy ź siabrami vypiŭ 100 hramaŭ harełki, stolki ž vina i paŭlitra piva.
Utrymańnie ałkaholu ŭ jaho arhaniźmie amal u šeść razoŭ pieravysiła dapuščalnaje. Parušalnik da avaryi byŭ pazbaŭleny prava kiravańnia.
«Hieroj» druhoj historyi — kiroŭca, jakoha šosty raz zatrymali niećviarozym za rulom. Heta zdaryłasia 1 kastryčnika 2013.
Jon byŭ pazbaŭleny prava kiravańnia da kanca žniŭnia 2016 hoda, paŭtara miesiaca tamu byŭ iznoŭ zatrymany pjanym, za što byŭ pakarany štrafam u pamiery 3,5 młn rub.
Paśla apošniaha zatrymańnia na jaho zaviaduć kryminalnuju spravu.
Kamientary