Беларусь разлічвае на новую праграму супрацоўніцтва з Міжнародным валютным фондам (МВФ). Пра гэта заявіў прэм’ер-міністр Беларусі Міхаіл Мясніковіч 29 кастрычніка на сустрэчы з кіраўніком місіі МВФ Дэвідам Хофманам.
«Мы мяркуем, што Беларусь з улікам вялікай праведзенай працы можа разлічваць на праграму з фондам, — цытуе Мясніковіча дзяржаўнае інфармагенцтва БелТА. — І я думаю, што гэта будзе даведзена да выканаўчых дырэктараў і да палітычнага кіраўніцтва фонду».
Мясніковіч адзначыў, што, мяркуючы па аб’ёме матэрыялаў, прадстаўленых місіяй да сустрэчы ва ўрадзе, на працягу 11 дзён яна досыць эфектыўна працавала ў Беларусі.Па словах прэм’ера, ён у прынцыпе падтрымлівае высновы місіі. Аднак «па некаторых пазіцыях», выказаў меркаванне Мясніковіч, у экспертаў, магчыма, не было дастаткова інфармацыі. «І ў гэтай сітуацыі высновы назіраюцца не зусім аб’ектыўныя», — сказаў кіраўнік урада.
Гэта, паводле яго слоў, у нейкай ступені адпавядае тым рэкамендацыям, якія былі прадстаўлены папярэдняй місіяй.«Я думаю, вам прадставілася магчымасць пераканацца ў тым, што ўрад з Нацыянальным банкам паслядоўна забяспечвалі стабілізацыю эканомікі», — заявіў Мясніковіч.
У першую чаргу, адзначыў прэм’ер, удалося стабілізаваць сітуацыю на валютным і спажывецкім рынках.«Мы выйшлі на бездэфіцытны бюджэт, забяспечваем рост золатавалютных рэзерваў. Пры гэтым цалкам забяспечваем абслугоўванне знешняга доўгу і планавыя бюджэтныя прызначэння. Калі паглядзець на сальда нашага знешнегандлёвага балансу, яно таксама станоўчае і, нават калі выкарыстоўваць методыку розных рахункаў, розных падыходаў, то мы досыць паспяхова прадаем на экспарт прадукцыю
«Чаму мы гаворым пра неабходнасць нарошчвання экспарту як аб прыярытэце? За гэтым варта і макраэканамічная стабілізацыя. Мы, як прафесіяналы, разумеем гэта вельмі добра», — падкрэсліў кіраўнік урада. Пры гэтым ён дадаў, што тэмпы інфляцыі, вядома, не задавальняюць беларускі бок, але яны знаходзяцца ў рамках прагнозу.
«Таму нам хацелася б, каб у заключных дакументах місіі МВФ былі адлюстраваны гэтыя і іншыя моманты», — рэзюмаваў Мясніковіч.
Дэвід Хофман, у сваю чаргу, адзначыў, што на працягу апошніх двух тыдняў у прадстаўнікоў місіі МВФ адбыліся «вельмі канструктыўныя дыскусіі з калегамі з Нацыянальнага банка, урада і з іншымі бакамі». «Я рады, што ў нас ёсць магчымасць сёння абмеркаваць з вамі нашы высновы», — цытуе кіраўніка місіі БелТА. .
Цяпер чытаюць
Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію6
Каментары