Biełaruś raźličvaje na novuju prahramu supracoŭnictva ź Mižnarodnym valutnym fondam (MVF). Pra heta zajaviŭ prem'jer-ministr Biełarusi Michaił Miaśnikovič 29 kastryčnika na sustrečy z kiraŭnikom misii MVF Devidam Chofmanam.
«My miarkujem, što Biełaruś z ulikam vialikaj praviedzienaj pracy moža raźličvać na prahramu z fondam, — cytuje Miaśnikoviča dziaržaŭnaje infarmahienctva BiełTA. — I ja dumaju, što heta budzie daviedziena da vykanaŭčych dyrektaraŭ i da palityčnaha kiraŭnictva fondu».
Miaśnikovič adznačyŭ, što, miarkujučy pa abjomie materyjałaŭ, pradstaŭlenych misijaj da sustrečy va ŭradzie, na praciahu 11 dzion jana dosyć efiektyŭna pracavała ŭ Biełarusi.Pa słovach premjera, jon u pryncypie padtrymlivaje vysnovy misii. Adnak «pa niekatorych pazicyjach», vykazaŭ mierkavańnie Miaśnikovič, u ekśpiertaŭ, mahčyma, nie było dastatkova infarmacyi. «I ŭ hetaj situacyi vysnovy nazirajucca nie zusim abjektyŭnyja», — skazaŭ kiraŭnik urada.
Heta, pavodle jaho słoŭ, u niejkaj stupieni adpaviadaje tym rekamiendacyjam, jakija byli pradstaŭleny papiaredniaj misijaj.«Ja dumaju, vam pradstaviłasia mahčymaść pierakanacca ŭ tym, što ŭrad z Nacyjanalnym bankam paśladoŭna zabiaśpiečvali stabilizacyju ekanomiki», — zajaviŭ Miaśnikovič.
U pieršuju čarhu, adznačyŭ premjer, udałosia stabilizavać situacyju na valutnym i spažyvieckim rynkach.«My vyjšli na biezdeficytny biudžet, zabiaśpiečvajem rost zołatavalutnych reziervaŭ. Pry hetym całkam zabiaśpiečvajem absłuhoŭvańnie źniešniaha doŭhu i płanavyja biudžetnyja pryznačeńnia. Kali pahladzieć na salda našaha źniešniehandlovaha bałansu, jano taksama stanoŭčaje i, navat kali vykarystoŭvać mietodyku roznych rachunkaŭ, roznych padychodaŭ, to my dosyć paśpiachova pradajem na ekspart pradukcyju
«Čamu my havorym pra nieabchodnaść naroščvańnia ekspartu jak ab pryjarytecie? Za hetym varta i makraekanamičnaja stabilizacyja. My, jak prafiesijanały, razumiejem heta vielmi dobra», — padkreśliŭ kiraŭnik urada. Pry hetym jon dadaŭ, što tempy inflacyi, viadoma, nie zadavalniajuć biełaruski bok, ale jany znachodziacca ŭ ramkach prahnozu.
«Tamu nam chaciełasia b, kab u zaklučnych dakumientach misii MVF byli adlustravany hetyja i inšyja momanty», — reziumavaŭ Miaśnikovič.
Devid Chofman, u svaju čarhu, adznačyŭ, što na praciahu apošnich dvuch tydniaŭ u pradstaŭnikoŭ misii MVF adbylisia «vielmi kanstruktyŭnyja dyskusii z kalehami z Nacyjanalnaha banka, urada i ź inšymi bakami». «Ja rady, što ŭ nas jość mahčymaść siońnia abmierkavać z vami našy vysnovy», — cytuje kiraŭnika misii BiełTA. .
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary