U «ajci-vioscy» pad Minskam pradali asabniak za 3,6 młn dalaraŭ. Heta samy darahi dom u krainie ŭ krasaviku
Heta — Smalavicki rajon. Pobač — trasa na Maskvu, Kurhan Słavy i malaŭničyja lasy i aziory.
U vioscy Sasnovaja za 15 kiłamietraŭ ad Minska kupili katedž za 3,6 miljona dalaraŭ. Jon staŭ samym darahim domam, pradadzienym u Biełarusi ŭ minułym miesiacy, piša Realt.by.
Vioska Sasnovaja raźmiaściłasia za 15 kiłamietraŭ ad Minska. Heta — Smalavicki rajon. Pobač — trasa na Maskvu, Kurhan Słavy i malaŭničyja lasy i aziory. U samoj vioscy pracuje kaviarnia, azdaraŭlenčy centr i niekalki šynamantažoŭ. Kramy, škoła, dziciačy sad i inšuju infrastrukturu možna znajści ŭ susiedniaj Słabadzie i ŭ stalicy.
Pieršapačatkova Sasnovaja była zvyčajnaj vioskaj, ale ŭ 2010‑ch tut pačali budavać vialiki katedžny pasiołak na 140 novych damoŭ. Jon atrymaŭ nazvu «IT-vioska». Prystaŭka «ajci» tłumačyłasia tym, što metavaj aŭdytoryjaj zabudoŭščyka stali siemji prahramistaŭ. Z časam katedžy tut kuplali pradstaŭniki roznych prafiesij.
Mienavita ŭ novaj častcy vioski i znachodzicca samy darahi dom krasavika. Heta cahlany katedž 2018 hoda płoščaj 591 kvadratny mietr. Za dom niedaloka ad Kurhana Słavy zapłacili 3,6 miljona dalaraŭ. Košt za kvadrat skłaŭ 4397 dalaraŭ.
Zaraz na Realt.by pradajecca 8 damoŭ u vioscy Sasnovaj. Siarod varyjantaŭ jość jak adnosna ścipły «ajcišny» dom za 420 tysiač rubloŭ (149 tysiač dalaraŭ), tak i raskošny asabniak za 11,7 miljona rubloŭ (4,2 miljona dalaraŭ).
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary
cikava - heta jakich?
6-komnatnyj dom 485 m² v Rojał Pałm Bič c baśsiejnom
Obŝaja płoŝad́ 485 m², 6 spalen, 4 vannyje komnaty
Ctoimosť -----$1 150 000