Знакамітая актрыса вынесла на руках 90-гадовую маці свайго знаёмага.
Актрыса Кейт Уінслет самастойна вынесла 90-гадовую маці мільярдэра Рычарда Брэнсана з дома, ахопленага полымем.
Акторка з сям'ёй адпачывала ў асабняку Брэнсана на востраве Некер (Брытанскія Віргінскія выспы). Раніцай у панядзелак на выспы абрынуўся трапічны шторм "Ірэн", і ў «Вялікі дом", як называюць асабняк Брэнсана, ўдарыла маланка, перадае Associated Press.
«У нас быў сапраўдны трапічны шторм з хуткасцю ветру да 40 м/сек. Шторм прыйшоў каля 4.00 раніцы, і ў дом ўдарыла маланка, - напісаў Брэнсан ў сваім блогу. - Мой сын Сэм кінуўся ў дом, каб дапамагчы каму-небудзь выйсці вонкі. Кейт Уінслет, яе бойфрэнд і сям'я былі ўсярэдзіне, Холі (дачка Брэнсана) і некаторыя з яе сяброў таксама спыніліся ў гэтым доме».
У той момант, калі маланка ўдарыла ў «Вялікі дом", 60-гадовы Брэнсан з жонкай Джоан і сынам Сэмам знаходзіліся ў будынку па суседству. 29-гадовая дачка Брэенсана Холі выбегла з палаючага дома самастойна.
А 90-гадовую маці мільярдэра Еву з полымя вынесла Уінслет.«Менавіта яна вынесла маю маму, - распавёў Брэнсан брытанскаму тэлеканалу ITV News. - Яна ўзяла яе на рукі і хутка выбегла з хаты».
«Гэта як у мностве фільмаў, дзе вы чакаеце словы «Знята», але яно проста не гучыць»,- працытаваў словы актрысы Брэнсан.
Паводле яго слоў, зараз «Вялікі дом» цалкам разбураны. У ім знаходзіўся офіс мільярдэра, і ў агні ён страціў тысячы фатаграфій. Брэнсан мае намер адбудаваць яго зноўку. Мільярдэр купіў выспу у пачатку 1980-х. «Размешчаны на вяршыні Пагорка Д'ябла гэты прыгожы дом знаходзіцца ў сэрцы выспы», - паведамляецца на сайце, прысвечаным востраву.
Цяпер чытаюць
«Набліжаецца момант пералому сітуацыі». Вадзім Кабанчук пра план для беларусаў2
«Набліжаецца момант пералому сітуацыі». Вадзім Кабанчук пра план для беларусаў
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1616
Каментары