Znakamitaja aktrysa vyniesła na rukach 90-hadovuju maci svajho znajomaha.
Aktrysa Kiejt Uinślet samastojna vyniesła 90-hadovuju maci miljardera Ryčarda Brensana z doma, achoplenaha połymiem.
Aktorka ź siamjoj adpačyvała ŭ asabniaku Brensana na vostravie Niekier (Brytanskija Virhinskija vyspy). Ranicaj u paniadziełak na vyspy abrynuŭsia trapičny štorm "Iren", i ŭ «Vialiki dom", jak nazyvajuć asabniak Brensana, ŭdaryła małanka, pieradaje Associated Press.
«U nas byŭ sapraŭdny trapičny štorm z chutkaściu vietru da 40 m/siek. Štorm pryjšoŭ kala 4.00 ranicy, i ŭ dom ŭdaryła małanka, - napisaŭ Brensan ŭ svaim błohu. - Moj syn Sem kinuŭsia ŭ dom, kab dapamahčy kamu-niebudź vyjści vonki. Kiejt Uinślet, jaje bojfrend i siamja byli ŭsiaredzinie, Choli (dačka Brensana) i niekatoryja ź jaje siabroŭ taksama spynilisia ŭ hetym domie».
U toj momant, kali małanka ŭdaryła ŭ «Vialiki dom", 60-hadovy Brensan z žonkaj Džoan i synam Semam znachodzilisia ŭ budynku pa susiedstvu. 29-hadovaja dačka Brejensana Choli vybiehła z pałajučaha doma samastojna.
A 90-hadovuju maci miljardera Jevu z połymia vyniesła Uinślet.«Mienavita jana vyniesła maju mamu, - raspavioŭ Brensan brytanskamu telekanału ITV News. - Jana ŭziała jaje na ruki i chutka vybiehła z chaty».
«Heta jak u mnostvie filmaŭ, dzie vy čakajecie słovy «Źniata», ale jano prosta nie hučyć»,- pracytavaŭ słovy aktrysy Brensan.
Pavodle jaho słoŭ, zaraz «Vialiki dom» całkam razburany. U im znachodziŭsia ofis miljardera, i ŭ ahni jon straciŭ tysiačy fatahrafij. Brensan maje namier adbudavać jaho znoŭku. Miljarder kupiŭ vyspu u pačatku 1980-ch. «Raźmieščany na viaršyni Pahorka Djabła hety pryhožy dom znachodzicca ŭ sercy vyspy», - paviedamlajecca na sajcie, pryśviečanym vostravu.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary