Пры жаданні можна палічыць стужку «Амерыканец» метафізічным ландшафтам амерыканскай душы. Жаданне гэтае ў гледача з’явіцца, калі ён заб’е гэтай стужкай дзве гадзіны свайго жыцця.
ЗША, 2010, каляровы,
Рэжысёр: Антон Карбэйн
Ролі выконваюць: Джордж Клуні,
Жанр: Драма паводле раману Марціна Бута
Адзнака: 5 (з 10)
Пасля забойства пераследнікаў і палюбоўніцы дасведчаны кілер (Джордж Клуні) вырашае сысці на пакой. Ён абірае ціхае італьянскае мястэчка і маскуецца пад фатографа. Праніклівы святар адчувае, што герой зусім не той, за каго сябе выдае. Але душагубу замаўляюць апошнюю справу — зрабіць бясшумную зброю. Хто ахвяра — не паведамляецца.
Другая стужка фатографа і кліпмайстра Антона Карбэйна — статычная драма пра пакуты сумлення, якія так і не дачакаешся.Апеты шматлікімі фільмамі герой нажа і кулі рухаецца, як самнамбула і спрабуе зрабіць выгляд цяжкіх духоўных пакутаў. Выгляд атрымліваецца непераканаўчым — і пуставатым, як бязлюдныя вуліцы. Кулі таксама «не ловяцца».
Затое з’яўляюцца палюбоўныя сцэны. Джордж Клуні з панылай палкасцю забаўляецца з прастытуткай, каб прапанаваць ёй руку і сэрца. Але яшчэ большай палкасці патрабуе зброя, замоўленая пекнаю незнаёмкай.
Пры жаданні можна палічыць стужку «Амерыканец» метафізічным ландшафтам амерыканскай душы.Жаданне гэтае ў гледача з’явіцца, калі ён заб’е гэтай стужкай дзве гадзіны свайго жыцця.
Цяпер чытаюць
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала29
Каментары