Каб абмеркаваць сваю стратэгію без мікрафонаў, апазіцыя паехала ў Вільню
Стратэгію дэмакратычных сілаў на прэзідэнцкіх выбарах абмяркуюць сёння прэтэндэнты на пасаду прэзідэнта і іх прадстаўнікі на сустрэчы ў Вільні.
Пра гэта паведаміў намеснік старшыні Аб’яднанай грамадзянскай партыі Яраслаў Раманчук.
Раманчук: «Будуць прэзентаваныя апошнія сацыялагічныя апытанні, а таксама будзе гаворка наконт стратэгіі дэмакратычных сіл на прэзідэнцкай кампаніі. У сустрэчы будуць браць удзел усе тыя сілы, якія нешта з сябе ўяўляюць у Беларусі. Там збярэцца чалавек 30–40. Вось, я еду, ад Мілінкевіча будуць людзі, ад Саннікава (паводле нашых звестак, ад Саннікава на сустрэчы нікога не будзе - НН), Някляеў едзе. Не ведаю, ці даедзе Рымашэўскі… І шмат яшчэ хто будзе».
Што гэта за сацыялагічнае апытанне і хто яго праводзіў, Раманчук не ўдакладніў. Кажа, сам яго яшчэ не бачыў і падрабязнасцяў не ведае. Між тым, прызнаўся, што нягледзячы на такую прадстаўнічую сустрэчу, пытанне абрання адзінага кандадыта на ёй абмяркоўвацца не будзе.
Раманчук: «Пытанне адзінага — гэта пытанне будучыні. Калі будзе адзіная стратэгія, то і выйсці на адзінага кандыдата — гэта зусім іншае пытанне».
У Вільню, кажа Раманчук, едуць таму, што на радзіме пагаварыць на сур’ёзныя тэмы і абмеркаваць пытанні «без мікрафонаў» вельмі складана. І такім чынам апазіцыя пакідае за мяжой мікрафоны як спецслужбаў, так і журналістаў.
Цяпер чытаюць
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?14
Каментары