Саннікаў пакпіў з таго, што Офіс Ціханоўскай на міжнародным саміце быў прадстаўлены работнікам па прозвішчы Педэрсан
Педэрсан дыпламатычна прапанаваў Саннікаву размову пры наступнай сустрэчы, але кандыдат на выбарах-2010 рашуча адхіліў ідэю: «Вы прадставіліся як «прадстаўнік дэмакратычнай» Беларусі, а не як прадстаўнік нейкага офіса. Дык спыніце хлусіць».
Адзін з лідараў Хартыі'97 Андрэй Саннікаў пасля вяртання з Капенгагенскага саміту дэмакратый, арганізаванага былым генеральным сакратаром НАТО і заснавальнікам The Alliance of Democracies Foundation Андэрсам Фогам Расмусенам, апублікаваў іранічны допіс пра тое, што Беларусь на мерапрыемстве прадстаўляў чалавек па прозвішчы Педэрсан.
«Вярнуўся з Капенгагенскага саміту дэмакратый… і з здзіўленнем даведаўся, што там, аказваецца, быў аж цэлы прадстаўнік дэмакратычнай Беларусі па прозвішчы Педэрсан. Я яго там не бачыў і не чуў, але я шчаслівы, што ў чалавека з прозвішчам Педэрсан ёсць ашчушчэніе, што ён прадстаўляе Беларусь», — напісаў Саннікаў, дадаўшы: «Віншую ўсіх датычных да Педэрсана!». Да паста ён прыклаў фота, на якім дорыць Расмусену сваю кнігу «Беларусь у НАТО».
Карым Педэрсан — кіраўнік аддзела міжнародных камунікацый Офіса Ціханоўскай. Ён працуе ў Офісе з 2021 года. Гэта адзіны замежнік у камандзе.
Чытайце:У Офісе Ціханоўскай працуе выкладчык з Даніі. Ён расказаў, чаму кінуў камфортнае жыццё і заняўся беларускай справай
У каментарах да паста адгукнуўся сам Карым Педэрсан. Ён патлумачыў, што прадстаўляў на саміце Офіс Святланы Ціханоўскай, якая не змагла прыехаць асабіста, дыпламатычна выказаў шкадаванне, што яны з Саннікавым не паспелі паразмаўляць, і запрасіў да сустрэчы наступным разам.
Аднак Саннікаў не палічыў тлумачэнне дастатковым. «Вы прадставіліся як «прадстаўнік дэмакратычнай» Беларусі, а не як прадстаўнік нейкага офіса. Дык спыніце хлусіць, перш чым прапаноўваць размову», — адказаў палітык.
Выглядала, што Педэрсан не зразумеў, што ад яго хоча Саннікаў, таму на ўсялякі выпадак выбачыўся за магчымае няправільнае ўражанне і падкрэсліў, што апошнія пяць гадоў свайго жыцця прысвяціў падтрымцы беларусаў:
«Прашу прабачэння, калі маё паведамленне пакінула няправільнае ўражанне — магу Вас запэўніць, што з майго боку гэта не было ні наўмысна, ні непаважліва ў якім-небудзь сэнсе. Зусім наадварот: апошнія пяць гадоў свайго жыцця я прысвяціў таму, каб падтрымліваць беларусаў усімі магчымымі спосабамі»
Але Саннікаў яшчэ раз адчытаў датчаніна: «Зноў жа, «падтрымліваеце» нейкі офіс, а не беларусаў. Старайцеся выказвацца карэктна».
-
Кобрынца, які застаўся без нагі пасля выбуху машыны, пасадзілі за кантакт з журналістамі. Пасля вызвалення ён расказаў сваю гісторыю
-
Пасол Украіны па пытаннях Беларусі: «Пазіцыя Ціханоўскай дакладна не пацыфісцкая»
-
Ці могуць мінскія школьнікі бясплатна карыстацца грамадскім транспартам падчас летніх канікул?
Каментары