У Магілёўскім раёне матацыкліст пацярпеў у аварыі з ласём. ДТЗ адбылося раніцай 14 мая на кальцавой аўтадарозе М15 каля вёскі Галынец.
Фота: УДАІ УУС Магілёўскага аблвыканкама
Паводле інфармацыі ДАІ, 42‑гадовы мясцовы жыхар на матацыкле Yamaha сутыкнуўся з ласём, які нечакана выбег на праезную частку.
У выніку аварыі матацыкліст атрымаў траўмы. Яго даставілі ў бальніцу для абследавання. Па факце здарэння праводзіцца праверка, высвятляюцца ўсе абставіны.
У ДАІ нагадваюць кіроўцам, што пры з’яўленні дзікіх жывёл каля дарогі неабходна максімальна зніжаць хуткасць, аж да поўнага спынення.
Каментары