Конкурс пад назвай «Гульні прастолаў» зладзіў расійскі брэнд сантэхнікі. Мясцовым жыхарам паабяцалі 100 тысяч рублёў (каля 1300 даляраў) за перамогу ў конкурсе.
На першым этапе трэба было піць з унітазаў на хуткасць — у гэтым выпрабаванні перамог малады чалавек, які выпіў «безалкагольны пеністы напой з чашы ўнітаза» (брэнд таксама апублікаваў фота шчаслівага пераможцы з грашыма ў руках).
Пасля гэтага арганізатары перайшлі да другога выпрабавання: сем чалавек павінны былі як мага даўжэй прасядзець на ўнітазах з закрытымі вечкамі.
Праз дзесяць гадзін з конкурсу выбылі толькі два ўдзельнікі. Астатнія працягнулі барацьбу за грашовы прыз, заявілі прадстаўнікі брэнда EvaGold, якія таксама размясцілі рэкламу гэтай падзеі ў гарадскіх пабліках.
Каментары