Міністэрства юстыцыі Расіі ўнесла кінарэжысёра Андрэя Звягінцава ў рэестр «замежных агентаў». У ведамстве заявілі, што падставай стаў ягоны ўдзел у стварэнні матэрыялаў і паведамленняў для шырокага кола людзей, звязаных з іншымі «замежнымі агентамі», а таксама з арганізацыямі, дзейнасць якіх расійскія ўлады прызналі непажаданай.
Андрэй Звягінцаў — адзін з найбольш вядомых і тытулаваных расійскіх кінарэжысёраў. Ягоны дэбютны фільм «Вяртанне» ў 2003 годзе атрымаў галоўную ўзнагароду Венецыянскага кінафестывалю — «Залатога льва». Фільм «Левіяфан», які выйшаў у 2014 годзе, атрымаў узнагароду за найлепшы сцэнарый на Канскім кінафестывалі, «Залаты глобус» і намінацыю на «Оскар». Стужка «Нелюбоў» 2017 года таксама была намінаваная на «Оскар», а ў Кане атрымала прыз журы.
У маі 2026 года новы фільм Звягінцава «Мінатаўр» атрымаў Гран-пры 79‑га Канскага кінафестывалю. Францыя вылучыла яго на прэмію «Оскар».
Падчас цырымоніі ўзнагароджання Звягінцаў звярнуўся да прэзідэнта Расіі Уладзіміра Пуціна з заклікам спыніць вайну ва Украіне. Рэжысёр заявіў, што людзі па абодва бакі лініі сутыкнення хочуць спынення забойстваў, і заклікаў Пуціна спыніць вайну.
Аўтар «Мінатаўра» пагадзіўся з Пясковым, што ў яго «няма права голасу». Таму што ў цяперашняй Расіі яго няма ні ў кога
У Крамлі пракаментавалі зварот Звягінцава да Пуціна «скончыць ужо гэтую бойню»
«Скончыце ўжо гэту бойню». Рэжысёр Звягінцаў атрымаў Гран-пры Канскага фестывалю і звярнуўся са сцэны да Пуціна
«Мінатаўр» Андрэя Звягінцава — антываенная драма, якую стоячы віталі ў Канах
Кінарэжысёр Звягінцаў: Для мяне Пуцін — здраднік Радзімы
Цяпер чытаюць
З псіхбальніцы збег былы начальнік Ганцавіцкай міліцыі13
Каментары