Па словах Вадзіма і Алесі Ключнікаў (Кей), на сцэну яны трапілі «ў перапынку паміж пераездам, заліўкай падмурка і мантажом каналізацыі ў сваёй кінце».
Пасля пачатку поўнамаштабнай вайны ва Украіне Іван Ургант апублікаваў у Instagram чорны квадрат са словамі: «Страх і боль. НЕ ВАЙНЕ». Пасля гэтага ягонае тэлешоу «Вечерний Ургант» знікла з эфіру Першага канала.
Цяпер вядоўца гастралюе за мяжой з канцэртнай версіяй свайго праекта пад назвай «Живой Ургант». Гэты праект ён запусціў у красавіку 2025 года (сам ён, як пісалі СМІ, працягвае жыць у Расіі і выступае там на днях народзінаў і вяселлях). 17 ліпеня гэтага года шоу адбылося ў Лісабоне (Партугалія).
Аднымі з гасцей на сцэне сталі беларусы Вадзім і Алеся Ключнікі — аўтары YouTube-канала Vadim Key, на які сёння падпісаныя амаль 860 тысяч чалавек.
Першую шырокую аўдыторыю Ключнікі сабралі ў 2019—2020 гадах, калі пачалі публікаваць відэа пра будаўніцтва дома сваёй мары пад Мінскам. Аднак у 2021 годзе сям'я была вымушаная пакінуць Беларусь. За амаль пяць гадоў эміграцыі яны змянілі 22 месцы жыхарства, прадалі дом у Беларусі, а ў канцы 2025 года набылі ўласную нерухомасць у Партугаліі.
Пра ўдзел у шоу блогеры паведамілі ў Instagram.
«У перапынку паміж пераездам, заліўкай падмурка і мантажом каналізацыі ў нашай кінце мы сталі гасцямі «Живого Урганта»», — напісалі Ключнікі.
Цяпер чытаюць
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Каментары