Брытанскі цэнтр марскіх гандлёвых аперацый UKMTO паведаміў, што 14 мая ў раёне каля 38 марскіх міль на паўночны ўсход ад порта Фуджэйра ў ААЭ невядомыя ўзброеныя асобы захапілі судна. Пасля гэтага яно змяніла курс і накіравалася ў тэрытарыяльныя воды Ірана.
Падрабязнасці пра само гэта судна і яго экіпаж пакуль не раскрываюцца.
На фоне росту напружанасці ў рэгіёне Армузскага праліва Японія паведаміла, што адно з суднаў, звязаных з краінай, бяспечна прайшло праз праліў і выйшла ў Персідскі заліў. На борце знаходзіліся чатыры японскія маракі, яшчэ некалькі дзясяткаў суднаў, звязаных з Японіяй, застаюцца ў рэгіёне.
Таксама Індыя асудзіла напад на гандлёвае судна пад індыйскім сцягам каля берагоў Амана і назвала атакі на камерцыйныя караблі непрымальнымі.
Іранскі МЗС заявіў, што Армузскі праліў застаецца адкрытым для гандлёвага суднаходства пры ўмове супрацоўніцтва з іранскімі вайскова-марскімі сіламі.
На фоне інцыдэнтаў у рэгіёне перабоі ў суднаходстве праз праліў працягваюць уплываць на сусветныя цэны на нафту і газ і выклікаюць занепакоенасць краін-імпарцёраў.
«Маскітны флот» Ірана: як процьма маленькіх катараў супрацьстаіць ВМС ЗША ў Армузскім праліве
Іран захаваў 70% ракетнага арсенала, нягледзячы на заявы Трампа аб разгроме Тэгерана — NYT
Трамп губляе цярпенне і разглядае магчымасць аднаўлення вайны з Іранам
ЗША і Кітай пагадзіліся, што Іран ніколі не будзе валодаць ядзернай зброяй
Каментары