За гэтую памылку ён пасля выбачаўся перад гаспадыняй кватэры ў Кіеве.
Аналітык Арцём Шрайбман у падкасце «Цёмны лёс» расказаў пра сваю самую вялікую памылку.
«Мая найбуйнейшая памылка, мне здаецца, — упэўненасць, можа, на 90%, што не будзе поўнамаштабнай вайны перад вайной», — падзяліўся ён.
«Я быў нават у Кіеве. І нягледзячы на ўсе папярэджанні, я тлумачыў гэта блефам Пуціна».
Пры гэтым Арцём меў запасны план і ў выпадку найгоршага развіцця падзей — заправіў машыну і рыхтаваўся з'язджаць, калі раптам вайна будзе.
«То бок пэўныя думкі былі, але публічна я шмат казаў, што я лічу, што гэтай вайны не будзе».
Арцём расказаў, што пасля выбачыўся перад гаспадыняй кватэры ў Кіеве (яна сама з Харкава). Жанчына, ведаючы яго прафесію, пыталася, ці будзе вайна, і Арцём ёй адказваў, што, на яго меркаванне, не.
Арцём таксама назваў, якую частую памылку дапускаюць аналітыкі.
«Людзі бачаць тэндэнцыі і патэрны там, дзе іх няма, і прыпісваюць нейкай злой ці іншай волі, нейкаму хітраму ці стратэгічнаму плану ўсё, што адбываецца, і ўкладаюць ці нанізваюць падзеі на свой шкілет. (…) Калі ты нейкай тэорыяй захоплены, твой мозг проста існуе ў нейкай такой веры ў тое, што адбываецца гэты працэс, ты пачынаеш усё інтэрпрэтаваць праз прызму гэтага працэсу. Напрыклад, ёсць людзі, якія ва ўсім бачаць руку там Масквы. (…) Іншыя бачаць паўсюль уплыў Кітая».
-
Расійская спявачка Вікторыя Дайнека мала таго што пракацілася з канцэртамі па акупаваных тэрыторыях, дык яшчэ і пастраляла
-
Статкевіч: Зараз толькі фармальная незалежнасць пакуль ратуе нас ад наўпроставага ўцягвання ў расійска-ўкраінскую вайну
-
Завяршыць рамонт моста цераз Свіслач у Мінску плануюць да пачатку верасня
Цяпер чытаюць
«Калі вы пазакрываеце я**льнікі»: злоўлены на допінгу амапавец з Гродна паказаў сваё высокакультурнае аблічча9
Каментары