Прэзідэнт Украіны Уладзімір Зяленскі паведаміў, што Рустэм Умераў будзе прызначаны кіраўніком Службы знешняй разведкі Украіны. Да гэтага ён займаў пасаду сакратара Рады нацыянальнай бяспекі і абароны.
Па словах Зяленскага, на новай пасадзе Умераў працягне каардынаваць міжнароднае супрацоўніцтва ў вайсковай сферы, у тым ліку ў межах праграмы Drone Deals. Гэты фармат прадугледжвае доўгатэрміновае фінансаванне ўкраінскай абароннай прамысловасці з боку краін-партнёраў, якія ўзамен атрымліваюць доступ да сучасных абаронных распрацовак.
Як адзначыў прэзідэнт, цяпер пагадненні ў рамках Drone Deals ужо заключаныя з дзевяццю краінамі, яшчэ з пятнаццаццю вядуцца перамовы.
Зяленскі таксама паведаміў, што Умераў працягне займацца перамовамі са Злучанымі Штатамі і іншымі партнёрамі, а таксама будзе ўдзельнічаць у перамоўным працэсе, які датычыцца спынення расійска-ўкраінскай вайны. Паводле яго, прызначэнне на чале знешняй разведкі дасць Умераву больш магчымасцяў для працы на стыку дыпламатыі, бяспекі і абароны.
Падчас знаходжання на пасадзе сакратара РНБА Умераў ужо ўдзельнічаў у перамовах паміж Украінай, ЗША і Расіяй. У ліпені паведамлялася, што ён на працягу двух дзён праводзіў сустрэчы з Джарэдам Кушнерам, зяцем прэзідэнта ЗША Дональда Трампа.
Новым сакратаром Рады нацыянальнай бяспекі і абароны стане Ігар Кліменка. Паводле Зяленскага, ягоны вопыт працы на чале Міністэрства ўнутраных спраў і каардынацыі дзейнасці органаў бяспекі дапаможа ўзмацніць узаемадзеянне РНБА з урадам, асабліва ў пытаннях устойлівасці краіны ва ўмовах вайны.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос7
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары
Есць " у справе міндіч цукерман" калі займал пасаду міністра абароны
Самая лепшая кандыдатура узначаліць службу знешняй разведкі пад час Вайны....
Да и Ермаку надо продолжать, держать ухо востро, а руку на пульсе.