Колькі просяць?
Яшчэ ўчора Арына Сабаленка адкрывала тэнісныя корты ў Мінску раздавала аўтографы, а сёння адзін з іх ужо прадаюць на беларускім маркетплейсе, піша Onliner.by.
У аўторак першая ракетка свету адкрыла некалькі тэнісных пляцовак побач са школай №86 у завулку Казлова, правяла майстар-клас і, вядома, раздавала аўтографы. Хоць пашанцавала не ўсім: распісалася далёка не кожнаму з прысутных.
Неўзабаве пасля завяршэння мерапрыемства карыстальнікі Threads заўважылі, што хтосьці ўжо выставіў картку з аўтографам Арыны на продаж у Інтэрнэце. Прадавец цану не называе, а просіць прапаноўваць свае варыянты ў асабістай перапісцы.
Калі верыць аднаму са скрыншотаў, апублікаваных у Threads, уладальнік карткі адмовіўся прадаваць яе за 10 рублёў, заявіўшы, што яму ўжо прапаноўвалі 500.
Да продажу аўтографа карыстальнікі сацсеткі паставіліся па-рознаму. Вось некалькі паведамленняў:
«Асабіста я не бачу каштоўнасці ў купленым аўтографе. Тыпу сэнс з яго? Тут важная эмоцыя, што прыйшоў, убачыў, узяў аўтограф. Але людзі хочуць нажыцца на ўсім. І, думаю, знойдуцца тыя, хто купіць»»
«Адны дрэнныя словы ў галаве, у мяне два аўтографы, якія яна мне там і падпісала пры мне. Але я іх у жыцці не прадам, але тут нават не гэта, сумна, што дзеці/людзі, якія не змаглі атрымаць нават адзін аўтограф там, вымушаныя бачыць вось гэта».
«Для кагосьці гэта была сустрэча жыцця, і ён на яе не змог трапіць, асабліва за дзяцей крыўдна. А нехта ішоў па аўтограф, каб на наступны дзень барыжыць ім жа…».
Журналіст Onliner напісаў прадаўцу і той пацвердзіў, што гатовы прадаць картку за 500 рублёў.
Таксама нібыта прадаецца і тэнісны мячык.
«За паўгадзіны — 350 аўтографаў». Як Арына Сабаленка адкрывала ў Мінску тэнісныя корты
Арына Сабаленка выйшла да мінчукоў у атачэнні васьмі ахоўнікаў ВІДЭА
Вось на якім самалёце Арына Сабаленка і Георгіяс Франгуліс прыляцелі ў Мінск
Арына Сабаленка з жаніхом і сабакам прыляцелі ў Мінск чартарным рэйсам. Іх сустрэлі народнымі танцамі і караваем
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары
І асабліва ў вялікім тэнісе, дзе вельмі патрэбны грошы. Калі юны спартовец ці яго сваякі знойдзе пакупніка, які аддасць 500 рублей, то выдатна. Усе будуць задаволеныя, так працуе эканоміка попыта і прапановы ў свеце.
Дадамо, што гэтыя грошы з вялікай верагоднасцю пойдуць на пакупку новага абсталявання ці падарожжа магчымай новай зоркі тэніса.
Чым гэта дрэнна?