На самалёце Ryanair падчас палёту адбылася разгерметызацыя, аднаго з пасажыраў ледзь не засмактала ў ілюмінатар
Раніцай 10 ліпеня на борце самалёта авіякампаніі Ryanair, які выконваў рэйс з грэцкіх Салонікаў у нямецкі Мемінген, адбыўся сур'ёзны інцыдэнт. Неўзабаве пасля ўзлёту, калі самалёт знаходзіўся на вышыні каля шасці тысяч метраў, разбілася аконная панэль каля аднаго з пасажырскіх месцаў, піша Bild.
Як паведамляецца, у выніку разгерметызацыі салона 61‑гадовага пасажыра моцным патокам паветра зацягнула ў пашкоджаны ілюмінатар. Яго жонка схапіла мужа за ногі і ўтрымлівала да таго часу, пакуль на дапамогу не прыйшлі іншыя пасажыры.
Пасля разгерметызацыі ў салоне аўтаматычна выпалі кіслародныя маскі. Экіпаж дзейнічаў паводле інструкцый і прыняў рашэнне неадкладна вярнуцца ў аэрапорт «Македонія» ў Салоніках. Самалёт паспяхова прызямліўся, а пасажыры бяспечна пакінулі борт.
Пацярпеламу была аказаная медыцынская дапамога непасрэдна ў аэрапорце. Пасля агляду лекары канстатавалі ў яго траўму шыі.
Авіякампанія Ryanair пацвердзіла факт інцыдэнту і паведаміла, што пасля вяртання самалёта для пасажыраў быў арганізаваны запасны рэйс, на якім яны працягнулі падарожжа ў Мемінген.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары