Трамп жорстка раскрытыкаваў Германію за адмову падтрымаць ЗША ў вайне з Іранам
Прэзідэнт ЗША заявіў, што расчараваны пазіцыяй Берліна адносна вайны супраць Ірана. На сустрэчы з генеральным сакратаром НАТА Маркам Рутэ ён сказаў, што прасіў нямецкі ўрад аб падтрымцы, піша Bild.
Фота: Jacquelyn Martin / AP
«Дайце нам невялікі штуршок, дайце нам маленькі пацалунак. Мы не хочам шмат. Але яны сказалі: «Не, мы не можам гэтага зрабіць»», — адзначыў Трамп.
Пры гэтым ён нагадаў, што ЗША трацяць «сотні мільёнаў даляраў» на размяшчэнне войскаў у Германіі і Еўропе.
На той жа сустрэчы Трамп нечакана пахваліў прэзідэнта Украіны Уладзіміра Зяленскага. Адказваючы на пытанне, ці выйграе Украіна вайну супраць Расіі, ён сказаў: «Ён трымаецца даволі добра. Трэба сказаць, ён мужны. У яго выдатнае абсталяванне. У яго выдатныя людзі, байцы».
Рутэ паспрабаваў абараніць Германію і заявіў, што Берлін выканаў свае двухбаковыя абавязацельствы перад ЗША, а таксама павялічыў выдаткі на абарону.
Але Трамп працягнуў крытыкаваць саюзнікаў і заявіў, што Францыя, Італія і Вялікабрытанія таксама «пакінулі ЗША ў бядзе».
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары