Магілёвец паглядзеў у свой мабільнік: геалакацыя вызначалася як Смаленск
Расійскія сістэмы РЭБ прыводзяць да збояў GPS у Беларусі.
У адным з профільных тэхнічных чатаў карыстальнік-беларус далучыў скрыншот дадатку картаў у сваім мабільніку і патлумачыў, што бачыць сябе ў раёне Смаленску, хаця ў гэты момант знаходзіцца ў Магілёве на 8‑м паверсе шматкватэрнага дома. Скрыншот датаваны сярэдзінай чэрвеня.
Пры спуску ўніз, на зямлю, па словах гэтага чалавека, сітуацыя нармалізавалася.
Іншыя ўдзельнікі чата з Беларусі патлумачылі яму, што таксама перыядычна фіксуюць такія збоі ў сваіх мабільных дэвайсах, і што чым вышэй адносна зямлі знаходзіцца дэвайс, тым большая імавернасць, што яго каардынаты будуць збітыя.
Як можна меркаваць, гэта праява так званага GPS-спуфінгу — падмены спадарожнікавага сігналу.
У адрозненне ад глушэння (джэмінгу), калі сігнал проста знікае, пры спуфінгу наземны перадатчык транслюе фальшывыя сігналы, мацнейшыя за сапраўдныя са спадарожнікаў. І тады прыёмная прылада ў гэтай зоне — тэлефон, дрон ці самалёт — верыць мацнейшаму сігналу і вылічае няправільныя каардынаты.
Смаленск ужо трапляў у поле зроку даследчыкаў як крыніца спуфінгавых перашкод.
Расіяне падмяняюць рэальныя каардынаты для барацьбы з украінскімі дронамі, якія атакуюць аб'екты на поўначы Расіі.
Падмена каардынат блытае загадзя пракладзеныя маршруты дронаў, прымушаючы іх карэктавацца ў нейкі з бакоў, адводзячы ад цэлі. Залёты ўкраінскіх дронаў у Беларусь насамрэч рэгулярна фіксуюцца мясцовымі жыхарамі.
Спуфінг можа мець небяспечныя наступствы для сфер, у якіх важная дакладная навігацыя. Найперш гэта пытанне бяспекі авіяцыйнага руху.
Былы міністр культуры Руслан Чарнецкі знайшоў сабе падпрацоўку9
Каментары
А не гэта дурацкі ўльтыматум Зяленскага які ледзь не справакаваў увод расейскіх войскаў і адкрыццё паўночнага расейскага фронту для Украіны.
Добра, што ва Украіне ёсць тэхнічныя спецыялісты, якія могуць вырашаць пытанні граматна, а не самагубча для Украіны.