Кіроўца, які пратараніў каменны плот у Нясвіжы, перад тым скраў машыну ў Клецку
Раней паведамлялася, што ў Нясвіжы хлопец пратараніў каменны плот: ад машыны і агароджы мала што засталося. Цяпер стала вядома, што ў гэтай сітуацыі былі істотныя нюансы.
Увечары 20 чэрвеня ў Клецку ўладальнік аўтамабіля пакінуў машыну з заведзеным рухавіком каля крамы і ненадоўга адышоў. Гэтым скарыстаўся 22‑гадовы мясцовы жыхар: ён сеў за руль чужога аўто і з'ехаў.
Пасля паведамлення пра крадзеж машыны супрацоўнікі ДАІ абвясцілі план «Перахоп». Падчас пагоні ў Нясвіжы ўгоншчык страціў кантроль над аўтамабілем. Машына наскочыла на бардзюр, а пасля ўрэзалася ў агароджу. Кіроўца атрымаў траўмы і быў дастаўлены ў бальніцу.
Цяпер сілавікі праводзяць праверку па факце крадзяжу і вырашаюць пытанне аб узбуджэнні крымінальнай справы.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс17
Каментары