Лукашэнка заявіў, што афіцэр павінен бараніць Радзіму, а не служыць дзеля кватэры і кухні
Палітык на нарадзе з вайскоўцамі падкрэсліў важнасць якаснай падрыхтоўкі афіцэраў, піша БелТА.
«Таму афіцэры — пытанне нумар адзін, — сказаў ён. — Рыхтаваць трэба па-сапраўднаму. А калі нехта не хоча гэтага рабіць, значыць, нам з ім не па дарозе».
Аляксандр Лукашэнка звярнуў увагу, што з боку дзяржавы нямала зроблена для таго, каб ва Узброеных сілах былі ўсе ўмовы для такой падрыхтоўкі афіцэрскага складу. Гэтаксама як і для забеспячэння іх жыллём і належнымі бытавымі ўмовамі.
«Так дакладна. Вельмі шмат (зроблена з боку дзяржавы)», — сказаў міністр абароны Віктар Хрэнін.
«І ты мне пастаянна прыходзіш і кажаш пра тое, што трэба вырашыць тылавыя пытанні: кватэры, жонкі, кухні, дзеці і іншае. Я разумею, што гэта неабходна. Але афіцэр павінен разумець, што ўсе мы служым не толькі дзеля таго, каб была кухня. Мы выбралі сабе такую прафесію — абараняць Радзіму. І ў розных умовах будзем гэта рабіць», — сказаў Аляксандр Лукашэнка.
Цяпер чытаюць
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск27
Каментары