Больш за 30 дзяцей за тыдзень атрымалі траўмы пасля катання на самакатах
У Рэспубліканскі цэнтр дзіцячай нейрахірургіі з траўмамі пасля катання на электрасамакатах звярнуліся за тыдзень больш за 30 пацыентаў. Пра гэта паведаміў кіраўнік цэнтра, галоўны пазаштатны спецыяліст дзіцячай нейрахірургіі Міністэрства аховы здароўя Міхаіл Талабаеў.
«За мінулы тыдзень да нас звярнуліся больш за 30 дзяцей, з іх 11 былі шпіталізаваныя з дастаткова сур’ёзнымі траўмамі: трое ў рэанімацыі, двое праапераваныя. І гэта ўсяго толькі тыднёвы вынік», — заявіў прадстаўнік Міністэрства аховы здароўя.
Паводле яго слоў, большасць з гэтых пацыентаў — альбо тыя, хто сам катаўся на электрасамакатах, альбо збітыя дарослымі. То-бок дарослыя часам выступаюць удзельнікамі гэтых падзей.
Міхаіл Талабаеў звярнуў увагу, што характэрныя для летняга перыяду траўмы, атрыманыя пры катанні, у першую чаргу на электрасамакатах і роварах, а таксама монаколах, адносяцца да высокаэнергетычных. Яны могуць суправаджацца цяжкімі наступствамі як для здароўя, так і для жыцця.
Каментары