«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
Унук народнага артыста Беларусі, кампазітара Васіля Раінчыка, якога назвалі ў гонар дзеда, таксама займаецца музыкай, выступаючы пад псеўданімам Wasssup. Сёлета хлопец выпусціў сольны альбом «Шчасце праз боль», але гэтага магло не здарыцца: у 19 год Васіль трапіў у жудасную аварыю і цудам выжыў.
«Я тыдзень правёў у коме і наноў вучыўся хадзіць», — пачынае сваю гісторыю хлопец, згадваючы перыяд жыцця, калі ён займаўся не музыкай, а продажам пластыкавых вокнаў.
Усё закруцілася з начнога званка ад калегі, які папрасіў Васіля адвезці яго да дзяўчыны, думаючы, што тая яму здраджвае.
«Я яго забраў. У выніку, пакуль мы ехалі, ён выпіў палову бутэлькі гарэлкі. Прыехалі на месца, ён падымаецца да дзяўчыны. Пакуль я яго чакаў, заснуў у машыне».
Прачнуўся Васіль з мігрэнню, а калега так і не вярнуўся.
«Я паслаў яго нахер, сабраўся і паехаў дадому. Праз тое, што ў мяне балела галава, я не ўключыў музыку. Праз тое, што крыху змерз, я паддаў у печцы. Пакуль даехаў на МКАД, машына разагрэлася. І я нават не зразумеў, што мяне пачало рубіць».
Прачнуўся Васіль ад гудзення матора.
«І вось я лячу наўпрост у пераход (я ехаў недзе ля 110 км на гадзіну). Я разумею, што еду на старой машыне і калі залячу туды ілбом, шанцаў будзе мала. І ў момант перад тым, як я ўжо вылятаў, паспеў рэзка павярнуць стырно ў бок бетоннага плота — атрымалася, я ўрэзаўся ў яго не ілбом, а крыху бокам».
Да свайго дома хлопец не даехаў літаральна пару хвілін. Далей — «чорная карцінка і адсутнасць усяго, ніякіх светлых тунэляў».
Пры гэтым Васіль на нейкі момант змог расплюшчыць вочы і на адрэналіне паспрабаваць выбрацца з машыны.
«Будучы на 100% упэўнены, што я цэлы, я пачаў спрабаваць падняцца. Найперш вырашыў адшпіліць рэмень левай рукой — і мозгам я рабіў рух, але мая рука пры гэтым проста боўталася, як кавалак тканіны — яе раскрышыла на 10 кавалкаў».
Паралельна хлопец адчуваў востры боль у жываце — аказалася, што рэменем бяспекі ён парваў сабе дыяфрагму і кішкі. Дадаткова пры ўдары рухавік машыны вылецеў у салон, зламаўшы Васілю ногі і сцягно.
Да прыезду хуткай і міліцыі хлопец паспеў адчуць усю палітру болю.
Пасля была чарада аперацый, кома і цяжкае аднаўленне, падчас якога Васілю ў прамым сэнсе слова прыйшлося наноў вучыцца хадзіць. Цяпер ён адзначае тры дні народзінаў: традыцыйны, дзень, калі трапіў у аварыю і калі выйшаў з комы.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары