Беларусы абурыліся, што шакаладка «Любімая Алёнка» «пахудзела». На прадпрыемстве адрэагавалі
Беларусы ў сацсетках пачалі абмяркоўваць змены ў вядомай шакаладцы «Любімая Алёнка». Людзі заўважылі, што вага пліткі стала меншай — замест ранейшых 100 грамаў цяпер яна важыць каля 85. Гэта выклікала незадаволенасць пакупнікоў, а некаторыя нават сказалі, што смак нібыта пагоршыўся, піша агенцтва «Мінск-Навіны».
Асабліва актыўна навіна абмяркоўвалася ў інтэрнэце пасля відэа, у якім жыхарка Мінска паказала новую вагу шакаладкі. У каментарыях многія выказалі абурэнне з-за такіх змен.
На фабрыцы «Камунарка», якая выпускае гэты шакалад, патлумачылі, што памяншэнне вагі звязана, маўляў, з агульнай тэндэнцыяй у свеце: вытворцы кандытарскіх вырабаў усё часцей робяць прадукцыю меншай па вазе. Паводле іх слоў, гэта пацвердзілі і маркетынгавыя даследаванні. Змяншэнне ж вагі «дазваляе зрабіць прадукт больш даступным шырокаму колу спажыўцоў».
Што датычыцца скаргаў на смак, то на прадпрыемстве лічаць іх суб’ектыўнымі. Там падкрэслілі, што рэцэптура шакаладу не змянялася і застаецца такой жа, як і раней.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага36
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу134134
Каментары