«Сітуацыя можа быць горшай, чым пандэмія каранавіруса». Прэзідэнт Фінляндыі папярэдзіў пра рызыку глабальнага крызісу
Прэзідэнт Фінляндыі Аляксандр Стуб у інтэрв’ю выданню Politico заявіў, што сусветная сітуацыя робіцца ўсё больш нестабільнай, а развіццё канфлікту вакол Ірана можа прывесці да эканамічнага крызісу, супастаўнага або нават больш цяжкага, чым падчас пандэміі каранавіруса, піша Bild.
«Калі крызіс на Блізкім Усходзе завострыцца, узнікне пагроза ланцуговай рэакцыі: рост цэн на энерганосьбіты, падаражанне прадуктаў харчавання і павелічэнне нагрузкі на сусветны рынак», — адзначыў ён.
Паводле слоў Стуба, гаворка пакуль не ідзе пра Трэцюю сусветную вайну, аднак існуе рызыка далейшай эскалацыі, калі міжнародная супольнасць не зможа спыніць пашырэнне канфліктаў.
«Мы павінны разумець, што цяперашняя адміністрацыя ЗША дзейнічае прагматычна. Хоць мы гатовыя дапамагчы [у супрацьстаянні з Іранам], мы не хочам быць уцягнутымі ў гэтую вайну, таму што гэта не наша вайна. Іранская вайна — гэта не мая вайна. Мая вайна — гэта Украіна. І я стараюся дапамагчы Украіне, чым магу», — сказаў прэзідэнт Фінляндыі.
Паводле ацэнкі Стуба, перамовы аб спыненні вайны Расіі супраць Украіны зайшлі ў тупік, і прыкмет гатоўнасці Масквы да міру няма.
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі1
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4646
Каментары
Ну і чым ты лепш за Трампа тады?