З 17 лютага кампанія American International з горада Равалпіндзі набірае людзей ва ўзросце ад 18 да 40 гадоў на 24 вакансіі дарожных рабочых у Мінску, заўважыла выданне «Позірк».
Паводле інфармацыі на сайце дзяржаўнага Бюро эміграцыі і працаўладкавання за мяжой, прапанаваны заробак складае 600—700 даляраў ЗША. Раней гэтая самая фірма падбірала супрацоўнікаў для перапрацоўкі рыбы ў Брэсце.
Таксама з лістапада 2025 года застаюцца адкрытымі дзве вакансіі з шасці, прапанаваныя кампаніяй R.B.S. Brothers, якая таксама знаходзіцца ў Равалпіндзі. Яна шукае некваліфікаваных рабочых для працы ў Беларусі з заробкам каля 2 500 беларускіх рублёў.
Акрамя таго, у Лахоры з канца кастрычніка мінулага года спрабуюць набраць 100 чалавек для працы ў Беларусі па 11 будаўнічых спецыяльнасцях з аплатай 600 даляраў. Аднак пакуль гэты набор не даў выніку. Тэрмін падачы заявак заканчваецца 26 лютага.
Тэма супрацоўніцтва ў гэтай галіне паміж Беларуссю і Пакістанам узнікла пасля сустрэч беларускіх і пакістанскіх чыноўнікаў. У красавіку 2025 года Аляксандр Лукашэнка і прэм’ер Пакістана Шахбаз Шарыф дамовіліся распрацаваць механізм прыезду ў Беларусь пакістанскіх рабочых. Абмяркоўваецца магчымасць прыняць у Беларусі да 100—150 тысяч чалавек.
«Работнікаў з Афрыкі адпраўляюць на кухню». Чым займаюцца працоўныя мігранты ў Беларусі і адкуль едуць?
У Пакістане ўжо набіраюць ахвотных працаваць у Беларусі
Пакістан абяцае адпраўляць у Беларусь толькі найлепшыя кадры
Беларусь і Пакістан падпішуць мемарандум аб працаўладкаванні
У сітуацыі з пакістанцамі ўлады сталі закладнікамі сваёй жа прапаганды і сваіх ідэалагем
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак18
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары