Расеец, які дапамагаў у замаху на генерала ГРУ Аляксеева, працаваў у звязанай з ФСБ кампаніі
Расследавальнік Хрыста Грозеў знайшоў новыя дэталі справы. «Паварот сюжэту», — пракаментаваў ён.
6 лютага ў Маскве спрабавалі забіць намесніка кіраўніка ГРУ Уладзіміра Аляксеева — у ліфтавым холе яго дома на Валакаламскай шашы.
Па падазрэнні ў выкананні замаху затрымалі 65‑гадовага Любаміра Корбу (ён грамадзянін Расіі, але нарадзіўся ва Украіне). Яго схапілі ў Дубаі і даставілі ў Маскву.
У Маскве затрымалі таксама, як сцвярджае ФСБ, яго памочніка 66‑гадовага Віктара Васіна. Іншая памочніца Зінаіда Серабрыцкая, паводле ФСБ, паспела выехаць ва Украіну.
Расследавальнік Хрыста Грозеў паведаміў, што Віктар Васін як мінімум да жніўня 2025 працаваў у звязанай з ФСБ кампаніі па распрацоўцы сродкаў сачэння НТЦ «Атлас» (у 2017 годзе перададзена «Растэху»).
У НТЦ «Атлас» Васін займаў пасаду галоўнага эксперта.
«Паварот сюжэту», — пракаментаваў Грозеў.
У архіўным рэзюмэ Васін апісвае сябе як «начальнік станцыі спадарожнікавай сувязі, старшы афіцэр — начальнік штаба палка, майстар ваеннай справы».
Тыдзень таму Васін абнавіў сваё рэзюмэ на сайце HeadHunter. У раздзеле «Пра мяне» пазначана «арганізацыя рэжыму сакрэтнасці; захавання дзяржтаямніцы; будаўніцтва, стварэнне і ўвод у эксплуатацыю ваенных комплексаў сувязі».
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі21
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары