ФСБ Расіі паказала запісы з камер назірання, зробленыя пасля стральбы ў першага намесніка начальніка ГРУ Уладзіміра Аляксеева ў Маскве. На кадрах бачны падазраваны ў забойстве.
Паводле версіі следства, пасля здзяйснення злачынства мужчына выкінуў пісталет у сумёт і на грамадскім транспарце з'ехаў.
Самога моманту стрэлу на апублікаваных запісах няма.
Раней стала вядома пра затрыманне падазраванага ў выкананні замаху. Паводле ФСБ, гэта грамадзянін Расіі 65‑гадовы Любамір Корба. Яго затрымалі ў Дубаі і даставілі ў Маскву.
Устаноўлены, сцвярджае ФСБ, і яго памочнікі. У Маскве быў затрыманы Віктар Васін, 1959 года нараджэння. А Зінаіда Серабрыцкая, 1971 года нараджэння, паводле ФСБ, паспела выехаць ва Украіну.
Намесніка кіраўніка ГРУ Уладзіміра Аляксеева спрабавалі забіць 6 лютага каля 7‑й гадзіны раніцы — у ліфтавым холе яго дома на Валакаламскай шашы.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць19
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары