Частка каманды Офіса Ціханоўскай перабярэцца ў Варшаву ў бліжэйшыя тыдні
Пры гэтым Офіс захоўвае ў Літве дыпламатычную акрэдытацыю.
Офіс Святланы Ціханоўскай пакуль вядзе перамовы з уладамі Польшчы наконт пашырэння сваёй працы ў Варшаве, заявіў яе галоўны дарадца Франак Вячорка ў эфіры «Белсата».
Франак Вячорка падкрэсліў, што Офіс цяпер знаходзіцца ў працэсе перамоваў з польскім бокам. У Варшаве плануецца адкрыццё фізічнай прасторы, куды ў найбліжэйшыя тыдні перабярэцца частка супрацоўнікаў. Аднак «сэрца» міжнароднай дыпламатыі пакуль застанецца ў Вільні.
«У Варшаве будзе працаваць частка Офісу. Усё-такі асноўная, міжнародная каманда застанецца пакуль у Вільні, бо ў Вільні ў нас ёсць дыпламатычная акрэдытацыя, у Вільні наладжаныя працэсы, узаемадзеянне з літоўскімі ўладамі. Таму гэта не пра пераезд, а хутчэй пра перафарматаванне працы Офіса як структуры», — падкрэсліў Франак Вячорка.
Што тычыцца канкрэтных асобаў, то сам Вячорка плануе бываць у Варшаве значна часцей, чым раней.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску32
Каментары