Беларуская аўтамабільная асацыяцыя (БАА) выступіла з ініцыятывай, накіраванай на барацьбу з камерцыйным імпартам пад выглядам увозу для асабістага карыстання. Асацыяцыя прапанавала ўвесці абмежаванні на перапродаж аўтамабіляў, увезеных у краіну фізічнымі асобамі, піша «Точка».
У чым сутнасць прапановы
Як растлумачыў кіраўнік БАА Сяргей Варывода, прапанова прадугледжвае ўвядзенне правіла, аналагічнага таму, што дзейнічае ў Расіі.
Плануецца: калі аўтамабіль, увезены фізічнай асобай, прададуць на працягу першага года, з уладальніка будзе спаганяцца павышаны ўтылізацыйны збор, роўны таму, які плацяць камерцыйныя імпарцёры.
На думку асацыяцыі, такая мера дапаможа абмежаваць практыку масавага ўвозу машын пад выглядам асабістага карыстання з мэтай іх наступнага перапродажу.
Чаму пра гэта сталі гаварыць
Статыстыка БАА паказвае такую дынаміку. Восенню 2025 года з 27,2 тыс. аўтамабіляў, увезеных фізічнымі асобамі, 18 тыс. змянілі ўладальніка ў першыя 2—3 месяцы. Эксперты асацыяцыі лічаць, што толькі каля 32% гэтых машын рэальна ўвозіліся для асабістага выкарыстання, астатнія сталі інструментам схаванага камерцыйнага імпарту.
Згодна з данымі, агучанымі дырэктарам «БАА-Кансалт» Дзмітрыем Яротам, імпарт фізічнымі асобамі за мінулы год вырас на 19%, у той час як увоз юрыдычнымі асобамі павялічыўся ўсяго на 1%.
У выніку доля фізічных асоб у структуры імпарту легкавых аўтамабіляў у 2025 годзе дасягнула 59%, перавысіўшы долю юрыдычных асоб (41%).
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары