Адну з папулярных мінскіх бургерных BurgerLab выставілі на продаж. Як вынікае з інфармацыі на сайце b4y.by, гаворка ідзе аб установе, размешчанай на вуліцы Камсамольскай, 12.
Рэстаран прадаецца як гатовы бізнэс і просяць за яго крыху больш за 223,3 тыс. рублёў, ці $75 тыс.
Да продажу прапануецца цалкам функцыянуючы рэстаран у адной з самых запатрабаваных лакацый горада — у турыстычным цэнтры побач з Нямігай з пастаянным высокім пешаходным патокам», — гаворыцца ў аб'яве.
Плошча ўстановы — 298,7 кв. м. З плюсаў, акрамя лакацыі, уласны ўнутраны дворык, што з'яўляецца рэдкасцю для цэнтра горада, а таксама наяўнасць усяго неабходнага абсталявання і мэблі.
У аб'яве таксама сказана, што новы ўладальнік зможа як захаваць ранейшы фармат, так і рэалізаваць новую канцэпцыю. Планіроўка ўстановы падыходзіць пад любы канцэпт — рэстаран, кафэ, бістро ці гастрабар.
Дарэчы, у Мінску гэта не адзіны BurgerLab. Аналагічная ўстанова працуе таксама на «тусовачнай» вуліцы Кастрычніцкай.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары