Яшчэ дзве беларускія фрыстайлісткі выступяць на Алімпіядзе. Склад беларускай дэлегацыі ў Італіі выключна жаночы
Дзякуючы пераразмеркаванню квот у лыжнай акрабатыцы колькасць беларусак у алімпійскім турніры павялічылася з адной да трох.
Па выніках адборачнага перыяду прамую пуцёўку на Гульні заваявала толькі Ганна Гуськова, якая тройчы трапляла ў дзясятку найлепшых на этапах Кубка свету, брала золата на Алімпіядзе-2018 і срэбра на Алімпіядзе-2022.
21 студзеня стала вядома, што дадатковыя ліцэнзіі атрымаюць таксама Ганна Дзяруга і Анастасія Андрыянава, паведамляе Нацыянальны алімпійскі камітэт
Нашы дзяўчаты выступілі на трох этапах Кубка свету, але ні разу не змаглі пераадолець кваліфікацыйны бар’ер. Тым не менш набраных балаў беларускім спартсменкам хапіла, каб фінішаваць у топ-30 агульнага заліку.
Такім чынам, у галоўным старце чатырохгоддзя возьмуць удзел сем нашых спартовак: акрамя фрыстайлістак, гэта Марына Зуева (канькабежны спорт), Вікторыя Сафонава (фігурнае катанне), Ганна Каралёва (лыжныя гонкі) і Марыя Шканава (гарналыжны спорт).
Гэта мінімальная колькасць пачынаючы з 1994 года, калі беларусы сталі выступаць асобнай камандай. Звычайна ў Зімовай Алімпіядзе брала ўдзел 27 да 33 беларускіх спартоўцаў. У Пекіне-2022 было 29.
Зімовыя Алімпійскія гульні 2026 года пройдуць у італьянскіх Мілане і Карціна-д’Ампеца з 6 да 22 лютага.
Каментары