Летась Беларусь імпартавала марынаваных агуркоў на мільёны долараў. Відаць, запасы ў беларускіх бабуль паменшыліся.
Беларусь стала галоўным пакупніком расійскіх марынаваных агуркоў і карнішонаў. За 11 месяцаў 2025 года наша краіна імпартавала гэтай прадукцыі з Расіі на 5 мільёнаў долараў.
За Беларуссю ідуць Казахстан (амаль 4 млн долараў), Кітай (больш за 600 тыс.), Кыргызстан (больш за 400 тыс.) і Ізраіль (больш за 350 тыс.), піша выданне «Беларусы і рынак».
Як адзначаюць у «Аграэкспарце», расійскі экспарт кансерваваных агуркоў у мінулым годзе наблізіўся да рэкорду. Калі параўноўваць з аналагічным перыядам мінулага года, аб’ём паставак расійскіх агуркоў вырас на 27% у натуральным выражэнні і на 47% — у вартасным.
Раней стала вядома, што Беларусь увайшла ў топ-3 пакупнікоў расійскага шампанскага і стала найбуйнейшым пакупніком расійскіх чыпсаў.
Каментары
у расіі іх не так і шмат вырошчваюць.