Атэстацыю ў Нацбанку цяпер змогуць прайсці толькі палітычна лаяльныя банкіры, якія не ставяць лайкі, дзе не трэба
Нацбанк вырашыў, што няправільныя лайкі і ўдзел у пратэстах шкодзяць дзелавой рэпутацыі.
Нацбанк падчас правядзення атэстацыі цяпер будзе ўлічваць палітычную лаяльнасць банкіраў. Рэгулятар унёс змены ў інструкцыю аб парадку правядзення ацэнкі адпаведнасці кваліфікацыйным патрабаванням і патрабаванням да дзелавой рэпутацыі.
Цяпер дзелавой рэпутацыі будуць шкодзіць не толькі прафесійныя моманты. Атэстацыю наўрад ці змогуць прайсці тыя, хто ўдзельнічаў у пратэстах ці нават пісаў нейкія «няправільныя» каментары ў інтэрнэце. Згодна з новай пастановай, дзелавую рэпутацыю дыскрэдытуюць:
-
удзел у несанкцыянаваных масавых мерапрыемствах, парушэнне ўстаноўленага парадку правядзення сходаў, мітынгаў, вулічных шэсцяў, дэманстрацый, пікетавання, іншых масавых мерапрыемстваў, а таксама публічныя заклікі да арганізацыі ці правядзення такіх з парушэннем устаноўленага парадку іх арганізацыі ці правядзення;
-
удзел у любым відзе дзейнасці, накіраваным на дыскрэдытацыю Рэспублікі Беларусь, органаў дзяржаўнай улады і кіравання (уключаючы асабісты ўдзел, пасярэдніцтва альбо супрацоўніцтва шляхам аказання паслуг, рэгістрацыю ў экстрэмісцкіх фарміраваннях, распаўсюд інфармацыйнай прадукцыі, уключанай у рэспубліканскі спіс экстрэмісцкіх матэрыялаў, а таксама выраб, выданне, захоўванне альбо перавозку ў мэтах распаўсюду такой інфармацыйнай прадукцыі).
Пад экстрэмісцкімі матэрыяламі ў Беларусі разумеюцца ў тым ліку навіны і тэксты з незалежных СМІ. Гэта значыць, што банкіры цяпер рызыкуюць страціць атэстаты і магчымасць займаць пасады начальнікаў проста за звычайныя рэпосты ці лайкі ў інтэрнэце. Не кажучы ўжо пра любую іншую палітычную актыўнасць.
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм15
Каментары
Они так всё разваливают, где начинают отбирать по лояльности и преданности лукашенко и его семье.
Ведь преданые и лояльные - неумные, неактивные, пассивные, плохо образованные, приспособленцы и лентяи.