76‑гадовую кандыдатку біялагічных навук асудзілі па стосе палітычных артыкулаў
Валянціна Логвін больш за 40 гадоў адпрацавала ў Беларускім дзяржаўным універсітэце фізкультуры. Цэнтр украінскай культуры Січ, які яна ўзначальвала, ліквідавалі.
У Мінскім гарадскім судзе вынеслі прысуд 76‑гадовай Валянціне Логвін. Дасведчаную спецыялістку па спартыўнай фізіялогіі асудзілі па трох палітычных артыкулах:
- ч. 1 арт. 130 — распальванне варожасці
- ч. 1 арт. 368 — абраза Лукашэнкі
- ч. 1 і ч. 2 арт. 361‑4 — садзейнічанне экстрэмісцкай дзейнасці.
Валянціна Логвін атрымала хатнюю хімію. Дакладны тэрмін невядомы.
Валянціна Логвін нарадзілася ў 1949 годзе ў Чарнігаўскай вобласці Украіны. Скончыла Кіеўскі дзяржаўны ўніверсітэт (1972) і аспірантуру Інстытута фізіялогіі Акадэміі навук Беларусі (1982). Кандыдыт біялагічных навук (1986). З 1976 года працавала выкладчыцай Беларускага дзяржаўнага ўніверсітэта фізкультуры.
Валянціна ўзначальвала Цэнтр украінскай культуры «Січ» у Мінску, ліквідаваны ў 2023 годзе. На момант закрыцця ў яго шэрагах было каля 20 сяброў.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары
[Зрэдагавана]