У Іране зноў затрымалі праваабаронцу і лаўрэатку Нобелеўскай прэміі міру 2023 года Наргіз Махамадзі. Разам з ёй арыштавалі яшчэ некалькіх актывістаў, паведамляе CNN.
Паводле даных яе фонда, Махамадзі «жорстка схапілі» ў Мешхадзе падчас мерапрыемства памяці юрыста і палітвязня Хасрава Алікардзі, якога нядаўна знайшлі мёртвым у яго офісе. Калегі нябожчыка сумняваюцца ў афіцыйнай версіі пра сардэчны прыступ і мяркуюць, што ён мог быць забіты.
Махамадзі ўжо неаднаразова трапляла за краты за сваю дзейнасць. З 2021 года яна адбывала пакаранне за ўдзел у кампаніях супраць смяротнага пакарання і абавязковага нашэння хіджаба. Ёй прысудзілі 31 год турмы.
Пры гэтым здароўе праваабаронцы было сур'ёзна падарвана: ёй паставілі стэнт у сэрца, у 2024 годзе выдалілі частку косткі нагі, і, верагодна, у яе быў рак. Праз аперацыю ўлады часова перапынілі яе зняволенне.
Апошні год Махамадзі працягвала актыўную працу — удзельнічала ў мерапрыемствах па правах чалавека і расказвала пра становішча ў Іране. Нядаўна яна апублікавала тэкст у часопісе Time, у якім адзначыла, што іранцы не могуць адчуваць сапраўднага міру, бо дзяржава ўмешваецца ва ўсе сферы іх асабістага жыцця.
Таксама раней паведамлялася, што ў Іране арыштавалі арганізатараў марафону за ўдзел у ім жанчын без хіджабаў.
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары