Трамп пра дапамогу ўкраінцам: Я ім нічога не даю, а краіны НАТА купляюць узбраенне ЗША за поўную цану
Прэзідэнт ЗША Дональд Трамп у панядзелак пахваліўся, што за ягоным прэзідэнцтвам Штаты не проста не выдаткоўваюць сродкі на падтрымку Украіны ў вайне супраць Расіі, але і зарабляюць на гэтым, і зноў паўтарыў, што хоча спыніць забойствы людзей. Пра гэта Трамп заявіў падчас круглага стала з прадстаўнікамі амерыканскага аграбізнэсу ў адказ на пытанні журналістаў, піша «Укрінфарм».
«Джо Байдэн даў ім (украінцам) $350 мільярдаў, а я ім нічога не даю. Але я даў ім спачатку «Джавеліны»… але Абама даў коўдры…», — сказаў ён.
Паводле слоў Трампа, цяпер сітуацыя «цудоўная», але ёсць адна праблема: «Шмат людзей гіне, і я хачу, каб гэта спынілася».
Ён зноў заявіў, што за мінулы месяц ва Украіне загінула 27 тысяч вайскоўцаў — «пераважна ўкраінскія жаўнеры і расійскія салдаты».
Разам з тым Трамп нагадаў, што ЗША прадаюць сваё ўзбраенне краінам НАТА «за поўную цану», а НАТА перадае яго Украіне.
«Я думаю, яны маглі б перадаваць яго і іншым, але найчасцей перадаюць яго Украіне. І яны працуюць з Украінай над умовамі размеркавання ўзбраення, ракет і г.д. Але мы выдаткоўваем не грошы, а ахвяруем час дзеля гуманных мэт».
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары